રાજસ્થાનના માઉન્ટ આબુમાં મારુતિ કારની ચોરીની ફરિયાદ નોંધાઈ હતી. ત્યારે પાલનપુર તાલુકા પોલીસની ટીમે આબુ રોડ હાઇવે પરના ખેમાણા ટોલ રોડ પર વાહન ચેકીંગ કરતા શંકાસ્પદ વાહનના કાગળો અંગે ચાલક કાર્તિક જગદીશભાઇ જેશી (રહે. સરદારપુરા, રાવેલ, દિયોદર)ની પુછપરછ કરી હતી. આ વાહન માઉન્ટ આબુમાંથી ચોરાયું હતું. યુવકે ઘટનાને અંજામ આપ્યાની કબૂલાત કરતાં પોલીસે ચોરીની કાર સાથે યુવકને કસ્ટડીમાં લીધો હતો.