સોલગામ લેઉવા પાટીદાર પ્રગતિ મંડળ, સ્વસ્તિક શૈક્ષણિક સંકુલ પાલનપુર સંલગ્ન સાલવી પ્રાથમિક શાળામાં બાળકોને લોકશાહીનું મહત્વ સમજાય તે માટે શાળા પંચાયતની ચૂંટણી યોજાઈ હતી. શાળા પંચાયતના પ્રમુખ પદ માટે વર્ગથી 8 સુધીના તમામ વર્ગના ચૂંટાયેલા વર્ગ પ્રતિનિધિઓમાંથી ચાર ઉમેદવારોએ ઉમેદવારી નોંધાવી હતી.
જેમાં બેલેટ પેપર, મતદાન મથક, ચૂંટણી અધિકારી, સુરક્ષા અધિકારી વગેરેની નિમણૂંકનું પણ આયોજન કરવામાં આવ્યું હતું. તમામ વર્ગના પ્રતિનિધિઓએ મતદાન કર્યા બાદ મતોની ગણતરી કરવામાં આવી હતી અને શાળા પંચાયતના પ્રમુખ તરીકે ઉત્પલ પટેલ, ઉપપ્રમુખ તરીકે ભાવી પટેલ અને મહિલા પ્રતિનિધિ તરીકે વૃષિ પટેલ વિજેતા જાહેર થયા હતા. આ પછી વિજેતા પ્રતિનિધિઓએ એકસાથે તમામ વિદ્યાર્થીઓનો આભાર માન્યો હતો. સમગ્ર કાર્યક્રમનું સંકલન મંડળના પ્રમુખે કર્યું હતું.