હારીજ તાલુકાના રોડા ગામ નજીક પેટ્રોલ પંપ પાસે પીકઅપ ટ્રકના ચાલકે બાઇકને ટક્કર મારી હતી. જેના કારણે બાઇક ચાલકનો જમણો પગ કપાઇ ગયો હતો અને તેને માથા અને હાથના ભાગે ગંભીર ઇજાઓ થઇ હતી. બાઇક સવારને બેભાન અવસ્થામાં ‘108’ દ્વારા પાટણની ધારપુર સિવિલ અને બાદમાં મહેસાણા લઇ જવાયો હતો.
તે અંગેની વિગત એવી છે કે, હારીજ તાલુકાના કુંભણા ગામે રહેતા જગમાલભાઈ તેજાભાઈ દેવીપૂજક સાંજે પોતાના બાઇક પર હારીજના સાંકરા ગામેથી કુંભણા ગામે પરત ફરતા હતા. હારિજના રોડા ગામ પાસે પેટ્રોલ પંપ પાસે પીકઅપ ડાલાએ બાઇકને ટક્કર મારતા જગમાલભાઇને ગંભીર ઇજાઓ પહોંચી હતી. તેને સારવાર માટે ખસેડવામાં આવ્યો હતો.
તેમના ભાઈ જગદીશભાઈએ નોંધાવેલી ફરિયાદમાં જણાવ્યું હતું કે અકસ્માતમાં જગમાલભાઈનો જમણો પગ કપાઈ ગયો હતો. પોલીસે ગુનો નોંધી વધુ તપાસ શરૂ કરી છે.
તેમના ભાઈ જગદીશભાઈએ નોંધાવેલી ફરિયાદમાં જણાવ્યું હતું કે અકસ્માતમાં જગમાલભાઈનો જમણો પગ કપાઈ ગયો હતો. પોલીસે ગુનો નોંધી વધુ તપાસ શરૂ કરી છે.