બનાસકાંઠા જિલ્લાના સરહદી વિસ્તારમાં સુઈગાંવ પોલીસે ચોરીના અલગ-અલગ કેસ ઉકેલી લોકોની ધરપકડ કરી છે, જેમાં પોલીસે ટેકનિકલ સર્વેલન્સ અને મળેલી માહિતીના આધારે ત્રણ લોકોની ધરપકડ કરી ચોરીનો મુદ્દામાલ કબજે કરી વધુ તપાસ હાથ ધરી છે. એક ટીમની રચના કરી આરોપીઓને પકડવાના પ્રયાસો હાથ ધરવામાં આવ્યા હતા. પોલીસને મળેલી બાતમીના આધારે એક શકમંદ રાજેશભાઈ ઠાકોર અગાઉ થરાદ વિસ્તારમાં સાત ગુનામાં સંડોવાયેલો અને દાંતીવાડામાં ચોરીના એક ગુનામાં સંડોવાયેલો છે, જે રીઢો ગુનેગાર છે જેના ભાઈ પ્રકાશભાઈ ઠાકોરને શંકાના આધારે સુઇગામ લાવી પોલીસે તપાસ હાથ ધરી છે. સૂઇગામ પોલીસ સ્ટેશને તેની ઉંડી પૂછપરછ કરતાં તેણે ચોરીની કબૂલાત કરી હતી. 3ની મુદામાલ સાથે અટકાયત કરી વધુ તપાસ હાથ ધરી છે.