બનાવટી દસ્તાવેજો દ્વારા પેઢી બનાવવા અને GST ક્રેડિટ ક્લેમ કરવાના કૌભાંડમાં વડોદરા પોલીસે બે છેતરપિંડી કરનારાઓની ધરપકડ કરી છે.
શેલ કંપની બનાવીને અને GST ક્રેડિટ મેળવવા માટે બનાવટી ટેક્સ ઇન્વૉઇસ સહિતના દસ્તાવેજો સબમિટ કરીને પ્રકાશમાં આવેલા આ કૌભાંડની તપાસ ECO SAILને સોંપવામાં આવી હતી, જેણે વડોદરામાં છ શેલ કંપનીઓ સામે ગુનો નોંધ્યો હતો.
આ પૈકી માંજલપુરના સરસ્વતી કોમ્પ્લેક્સના સરનામે એએસ ટ્રેડ નામની પેઢી સ્થાપીને જીએસટીના દાવા કરનારા બે સંચાલકોની એક સપ્તાહ પહેલા ધરપકડ કરવામાં આવી હતી.
આ પેઢી સ્થાપવા માટે લાઈટ બિલ ઓનલાઈન એડિટ કરીને વિગતો સબમિટ કરવામાં આવી હોવાનું માહિતીમાં બહાર આવ્યું છે. આથી વડોદરા પોલીસે બનાવટી દસ્તાવેજો બનાવનાર યાસીન ઉર્ફે અંકલ ઈસ્માઈલભાઈ મગરબી (અરબ) (સાંધિયાવાડ, ભાવનગર) અને અકરમભાઈ અબ્દુલ્લાભાઈ અત્યાબ (અરબ) (ભાદ્રોડનો ઝાંપો, મહુવા, ભાવનગર)ની ધરપકડ કરી છે.