(GNS) તા. 8
અમદાવાદ,
અમદાવાદ શહેરના પ્રખ્યાત સ્ટડી ગ્રુપ ફોકસ ઓનલાઈન દ્વારા બિઝનેસ આંત્રપ્રિન્યોર્સ અને શિક્ષણવિદોની સફળતાની ઉજવણી કરવા માટે ભવ્ય એવોર્ડ સમારોહનું આયોજન કરવામાં આવ્યું હતું. AMA ખાતે ‘વી રાઇઝ એવોર્ડ્સ એન્ડ બિઝનેસ કોન્ક્લેવ-2024’નું આયોજન કરવામાં આવ્યું હતું, જેમાં શિક્ષણ, બિઝનેસ, સિનેમા જગત સહિત વિવિધ ક્ષેત્રોની પ્રતિભાઓની હાજરી જોવા મળી હતી. જેમની હાજરીએ સમગ્ર સમારોહને ભવ્ય બનાવ્યો હતો.
સફળ કારકિર્દી ધરાવતા ઉદ્યોગસાહસિકો અને શિક્ષણવિદો કે જેમણે દ્રઢ નિશ્ચય, સંઘર્ષ અને દ્રઢતા દ્વારા વ્યાપાર અને શિક્ષણ ક્ષેત્રે આગવી ઓળખ ઉભી કરી છે તેમને ફોક્સ ઓનલાઈન દ્વારા ‘વી રાઈઝ એવોર્ડ્સ એન્ડ બિઝનેસ કોન્ક્લેવ-2024’ દ્વારા સન્માનિત કરવામાં આવ્યા હતા. ‘વી રાઇઝ એવોર્ડ્સ એન્ડ બિઝનેસ કોન્ક્લેવ-2024’ પહેલ શહેરના જાણીતા શિક્ષણવિદ્ પ્રાચી ગોવિલ, જાણીતા IT ક્ષેત્રના અગ્રણી હેતલ પરીખ અને પ્રેરક કોચ ડૉ. રૂચિ પટેલ દ્વારા વિઝન સાથે આકાર આપવામાં આવ્યો હતો.
‘વી રાઇઝ એવોર્ડ્સ એન્ડ બિઝનેસ કોન્ક્લેવ-2024’ ને ઉત્તમ પ્રતિસાદ મળ્યો, આ કાર્યક્રમમાં 45 જેટલા બિઝનેસ સાહસિકો અને શિક્ષણવિદોને એવોર્ડથી સન્માનિત કરવામાં આવ્યા. આ સમારોહમાં અમરાઈવાડી વિસ્તારના ધારાસભ્ય ડો. હસમુખ પટેલ, નિવૃત આઈપીએસ પી.કે.બંસલ, ગુજરાત યુનિવર્સિટીના પત્રકારત્વ વિભાગના વડા ડો. સોનલ પંડ્યા, એનઆઈએમસીજેના ડાયરેક્ટર ડો. શિરીષ કાશીકર, પ્રખ્યાત લોક ગાયક અરવિદ વેગડા, યુવા અભિનેતા તત્સત મુનશી, ચેલો દીવસ ફેમ કોફી ગર્લ પ્રતિપ્તિ અજવાલિયા સહિત 15 થી વધુ પ્રતિષ્ઠિત હસ્તીઓ હાજર રહી હતી. આ તમામ મહાનુભાવોએ સમારોહમાં પોતપોતાના મંતવ્યો વ્યક્ત કર્યા હતા અને અન્યોને પણ તેમની કારકિર્દીમાં સફળ થવા પ્રોત્સાહિત કર્યા હતા અને પાઠ પણ આપ્યા હતા.