સરહદી બનાસકાંઠા જિલ્લાના પાલનપુર શહેરમાં વિશ્વાસ પ્રોજેક્ટ અંતર્ગત જુદીજુદી જગ્યાએ સીસી ટીવી કેમેરા લગાવી કાયદો અને વ્યવસ્થા પર બાજ નજર રાખવામાં આવી રહી છે. ત્યારે ગુજરાતમાં ત્રિમાસિક સમીક્ષામાં બનાસકાંઠા જિલ્લા નેત્રમની નેત્ર દિપક (સારી કામગીરી) બદલ પ્રથમ નંબર પ્રાપ્ત થયો છે. જેથી બનાસકાંઠા નેત્રમ પીએસઆઇને રાજ્ય પોલીસ વડાએ પ્રમાણપત્ર આપી સન્માનિત કરતા બનાસકાંઠા પોલીસ બેડાંમાં ખુશીનું મોજું ફરી વળ્યું છે. ગુજરાતમાં વિશ્વાસ પ્રોજેક્ટ અંતર્ગત જુદા જુદા જિલ્લાઓમાં સીસીટીવી કેમેરા લગાવવામાં આવ્યા છે. જેનું સંપૂર્ણ મોનિટર પોલીસ દ્વારા કરવામાં આવી રહ્યું છે. તેજ રીતે બનાસકાંઠા જિલ્લામાં પાલનપુર સહિતના તાલુકા માં લગાવેલા સીસીટીવી કેમેરાનું પાલનપુર જોરાવર પેલેસ ખાતે આવેલ નેત્રમ શાખામાંથી કરવામાં આવે છે. જેમાં ત્રિમાસિક સમીક્ષામાં તા.૧ જાન્યુ આરી ૨૦૨૩ થી ૩૧ માર્ચ ૨૦૨૩ સુધી ની કામગીરીમાં બનાસકાંઠા નેત્રમ શાખા નો ગુજરાતમાં પ્રથમ નંબર પ્રાપ્ત થયો છે.