સુરતના બારડોલીમાં તસ્કરોનો આતંક સામે આવ્યો છે. બારડોલીના કડોદ પાસે આવેલી નેચર વિલા સોસાયટીમાં તસ્કરોએ ચોરીના ઈરાદે ત્રાટકી હતી. ચડ્ડી અને વેસ્ટ ગેંગ અહીં માલસામાનની ચોરી કરવાના ઈરાદે આવી હતી, પરંતુ રહીશો જાગી જતાં ચોરી થઈ શકી ન હતી. રહેવાસીઓ જાગી જતાં ટોળકીના સભ્યો શોર્ટ વેસ્ટ પહેરીને ભાગી ગયા હતા.
સ્થાનિક લોકોએ ત્યાં લગાવેલા સીસીટીવી ફૂટેજ ચેક કર્યા ત્યારે સમગ્ર ઘટનાની જાણ થઈ. જેમાં શોર્ટ વેસ્ટ પહેરેલા તસ્કરો ચોરી કરવા રેકી કરતા જોવા મળે છે. જોકે તસ્કરો અહીં ચોરી કરી શક્યા નથી. પરંતુ તસ્કરો ચોરીની ઘટનાને અંજામ આપે તે પહેલા પોલીસ આવા તસ્કરો સામે કાર્યવાહી કરે તેવી પ્રજામાંથી માંગ ઉઠી છે.
નોંધનીય છે કે, રાજ્ય હાલમાં આકરી ગરમીનો સામનો કરી રહ્યું છે. મોટા ભાગના લોકો ગરમીથી બચવા અગાસી કે ઉપરના રૂમમાં જાય છે અને આ તકનો લાભ લઈ ચોરીને અંજામ આપે છે. બારડોલીમાં પણ તસ્કરો ત્રાટકેલી ટોળકીએ ચોરીનો પ્રયાસ કર્યો હતો, પરંતુ રહીશો જાગી જતાં ચોરીનો પ્લાન નિષ્ફળ ગયો હતો. સમગ્ર ઘટનાના સીસીટીવી ફૂટેજ પણ સોશિયલ મીડિયા પર વાયરલ થયા છે.