લોકોનું સપનું હોય છે કે કંપનીમાં મોટી નોકરી અને સારી જગ્યા મળે. જો કે આજે અમે જે મહિલા વિશે વાત કરી રહ્યા છીએ તે કંઈક અલગ જ વિચાર્યું અને તેણે નોકરી છોડીને બિઝનેસમાં ઝંપલાવ્યું.
સુગર કોસ્મેટિક્સના સીઇઓ વિનીતા સિંઘે બિઝનેસ માટે અગ્રણી રોકાણ કંપની તરફથી વાર્ષિક રૂ. 1 કરોડની નોકરીની ઓફરને નકારી કાઢી હતી. માત્ર 23 વર્ષની ઉંમરે વિનીતાએ 1 કરોડ રૂપિયાની પ્લેસમેન્ટ ઓફરને નકારી કાઢી અને પોતાની કંપની શરૂ કરી.
વિનીતાએ આઈઆઈટી અને આઈઆઈએમમાંથી અભ્યાસ કર્યો છે. બિઝનેસમાં તેની સફર મુશ્કેલ રહી છે. વિનીતાએ એ તમામ સમસ્યાઓનો પણ સામનો કર્યો જેનો કોઈપણ ઉદ્યોગસાહસિકને સામનો કરવો પડે છે. પરંતુ તેણે દરેક મુશ્કેલીને પાર કરી. આજે તેમની કંપનીનું ટર્નઓવર 500 કરોડ રૂપિયાથી વધુ છે.
વિનીતા બાળપણથી જ અભ્યાસમાં તેજસ્વી હતી. તેમનો જન્મ 1983માં ગુજરાતના આણંદ જિલ્લામાં થયો હતો. માતા પીએચડી છે અને પિતા એઈમ્સમાં બાયોફિઝિસિસ્ટ છે. તેમણે આરકે પુરમની દિલ્હી પબ્લિક સ્કૂલમાંથી પ્રારંભિક શિક્ષણ મેળવ્યું હતું. વિનીતાએ આઈઆઈટી અને આઈઆઈએમમાંથી અભ્યાસ કર્યો છે. માત્ર 23 વર્ષની ઉંમરે તેમને 1 કરોડ રૂપિયાની ઈન્વેસ્ટમેન્ટ બેંકમાં નોકરીની ઓફર કરવામાં આવી હતી. પરંતુ તેણે તેનો અસ્વીકાર કર્યો અને પોતાનો વ્યવસાય ચલાવવાનું નક્કી કર્યું.
વિનીતાએ 2007માં પોતાનું પહેલું સ્ટાર્ટઅપ Quetzal લોન્ચ કર્યું હતું. આ પછી તેણે 2015માં બીજું સ્ટાર્ટઅપ ફેબ-બેગ લોન્ચ કર્યું. વિનિતાએ તેના પતિ કૌશિક મુખર્જી સાથે મળીને 2015માં તેનું ત્રીજું સ્ટાર્ટઅપ સુગર કોસ્મેટિક્સ લોન્ચ કર્યું હતું. આ સ્ટાર્ટઅપમાં તેને સારી સફળતા મળી. આજે સુગર કોસ્મેટિક્સનો બિઝનેસ રૂ. 500 કરોડથી વધુ છે.
બોલિવૂડ સ્ટાર રણવીર સિંહે સપ્ટેમ્બર 2022માં સુગર કોસ્મેટિક્સમાં રોકાણ કર્યું અને તેનો બ્રાન્ડ એન્ડોર્સર બન્યો. Lakme, L’Oreal અને MAC કોસ્મેટિક્સ જેવી વૈશ્વિક બ્રાન્ડ્સ ભારતના કોસ્મેટિક અને મેકઅપ માર્કેટ પર પ્રભુત્વ ધરાવે છે, પરંતુ માત્ર પાંચ વર્ષમાં સુગર ભારતની સૌથી ઝડપથી વિકસતી સૌંદર્ય બ્રાન્ડ બની ગઈ છે. આ બ્રાન્ડના 130થી વધુ શહેરોમાં 2500થી વધુ બ્રાન્ડેડ આઉટલેટ્સ છે અને તેની આવક રૂ. 100 કરોડથી વધુ છે.
વિનીતા સિંહ ફિટનેસ ફ્રીક છે. તેણીએ 20 મેરેથોન અને અલ્ટ્રા મેરેથોનમાં ભાગ લીધો છે. આ સિવાય તેણે 12 હાફ મેરેથોનમાં પણ ભાગ લીધો છે. તેણે ઓસ્ટ્રિયામાં આયર્નમેન ટ્રાયથ્લોન પૂર્ણ કરી છે. જ્યારે તે 6 મહિનાની ગર્ભવતી હતી ત્યારે તેણે 2018ની મુંબઈ મેરેથોનમાં 21 કિમી દોડી હતી.