શિકાગોઃ અમેરિકાના શિકાગો શહેરમાં કાચની ઇમારત સાથે અથડાતા 1000થી વધુ પક્ષીઓના મોત થયા છે.
સૂત્રોના જણાવ્યા અનુસાર, મેકકોર્મિક પ્લેસ ઉત્તર અમેરિકાનું સૌથી મોટું સંમેલન કેન્દ્ર છે અને તેની જાડી કાચની દિવાલો સાથે અથડાતા ઓછામાં ઓછા 1,000 નાના પક્ષીઓ તાજેતરમાં મૃત્યુ પામ્યા છે.
મીડિયા અહેવાલો અનુસાર, શિકાગો બર્ડ કોએલિશન મોનિટર્સ (સીબીસીએમ) ને મેકકોર્મિક પ્લેસની આસપાસ ઓછામાં ઓછા 1,000 નાના પક્ષીઓના મૃતદેહ મળ્યા છે, જેમાં ટેનેસી વોરબ્લર્સ, હર્મિટ થ્રશ અને અમેરિકન વુડકોક્સનો સમાવેશ થાય છે. આ તમામ પક્ષીઓ ઈમારતની પારદર્શક કાચની દીવાલો સાથે અથડાયા બાદ મૃત્યુ પામ્યા કારણ કે તેઓ પારદર્શક સપાટીને ખાલી જગ્યા સમજતા હતા.
સીબીસીએમએ જણાવ્યું હતું કે એક જ દિવસમાં એક જ બિલ્ડિંગમાંથી પક્ષીઓના મૃત્યુની આ સૌથી વધુ સંખ્યા છે. કમનસીબે મૃત્યુઆંક ખરેખર ઘણો વધારે હોઈ શકે છે કારણ કે ઘણા પક્ષીઓ ગંભીર રીતે ઘાયલ થયા પછી ઉડવાનું ચાલુ રાખે છે અને થોડા કલાકો પછી મૃત્યુ પામે છે.
The post બિલ્ડીંગના કાચના કારણે એક દિવસમાં એક હજારથી વધુ પક્ષીઓના મોત