રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત સરકાર, ગાંધીનગર દ્વારા રાજ્યના પ્રસિદ્ધ યાત્રાધામો પર ઉત્સવોનું આયોજન કરવામાં આવે છે. જે અન્વયે સિદ્ધપુરની ગોવર્ધન પાર્ક સોસાયટીમાં માતૃ વંદના કાર્યક્રમનું આયોજન કરવામાં આવ્યું હતું. બે દિવસીય કાર્યક્રમના પ્રથમ દિવસે ગાયક રાજભા ગઢવી અને બીજા દિવસે પ્રખ્યાત ગાયિકા અભિતા પટેલે સિદ્ધપુરવાસીઓને મંત્રમુગ્ધ કર્યા હતા. આ સાથે પાટણની પ્રખ્યાત ગાયિકા શ્રી આસના બેન પાલકર પણ માતૃ વંદના કાર્યક્રમમાં ભાગ લીધો હતો. આ કાર્યક્રમમાં સિદ્ધપુરના લોકોએ મોટી સંખ્યામાં ભાગ લીધો હતો. આજે દરેક જગ્યાએ મહિલાઓનું અમૂલ્ય યોગદાન જોવા મળી રહ્યું છે. મહિલાઓની શક્તિ આજે વિવિધ ક્ષેત્રોમાં ખૂબ જોવા મળી રહી છે. તે અંતર્ગત આજે સિદ્ધપુરમાં આયોજિત બે દિવસીય માતૃ વંદના કાર્યક્રમમાં નારી શક્તિને મહત્વ આપવામાં આવ્યું હતું. સ્ટેજ પર વિવિધ મોમેન્ટો આપીને નારી શક્તિનું સન્માન કરવામાં આવ્યું હતું.
રમતગમત, યુવા અને સાંસ્કૃતિક પ્રવૃતિ વિભાગ, ગાંધીનગર અને જિલ્લા વહીવટી તંત્ર, પાટણ, ગુજરાત સરકારના સંયુક્ત ઉપક્રમે સિદ્ધપુર ખાતે ‘માતૃ વંદના’ કાર્યક્રમનું આયોજન કરવામાં આવ્યું હતું. આઝાદી કા અમૃત મહોત્સવ અંતર્ગત વિવિધ કાર્યક્રમોનું આયોજન કરવામાં આવે છે, જેની પાછળનો મુખ્ય ઉદ્દેશ્ય આજના યુવાનોને ભારતીય સંસ્કૃતિ અને લોકકલાઓથી માહિતગાર કરવાનો છે. આજે આયોજિત માતૃ વંદના કાર્યક્રમમાં સિદ્ધપુર નગરપાલિકાના પ્રમુખ અનિતા બેન પટેલ, ઉપપ્રમુખ સોનલ બેન ઠાકર, નિવાસી અધિક કલેક્ટર પ્રદીપસિંહ રાઠોડ, ડીઆરડીએના નિયામક આર.કે.મકવાણા, સિદ્ધપુર પ્રાંત અધિકારી સાંકેલ પટેલ, સિદ્ધપુર મામલતદાર, અધિકારીઓ અને કર્મચારીઓ ઉપસ્થિત રહ્યા હતા. અને મોટી સંખ્યામાં સિદ્ધપુરના લોકો ઉપસ્થિત રહ્યા હતા.