બનાસકાંઠા જિલ્લા સહકારી ખરીદ-વેચાણ સંઘના પ્રમુખ-ઉપપ્રમુખની અઢી વર્ષની મુદત પૂર્ણ થતાં ચૂંટણી યોજાઈ હતી. જેમાં બાબરાભાઈ પટેલ પ્રમુખ અને ખેતાભાઈ દેસાઈ ઉપપ્રમુખ બિનહરીફ ચૂંટાયા હતા. બનાસકાંઠાની મોટી સહકારી સંસ્થા બનાસકાંઠા જિલ્લા સહકારી ખરીદ-વેચાણ સંઘના પ્રમુખ-ઉપપ્રમુખની ચૂંટણી અઢી વર્ષની મુદત પૂર્ણ થતાં યોજાઈ હતી. પ્રમુખ તરીકે બાબરભાઈ પટેલ (ચૌધરી) બિનહરીફ ચૂંટાયા હતા અને ભાજપ દ્વારા અઢી વર્ષ માટે પ્રમુખ અને ઉપપ્રમુખ પદ માટે મેન્ડેટ અપાતા ખેતાભાઈ દેસાઈ બિનહરીફ ચૂંટાયા હતા. ત્યારબાદ નવનિયુક્ત પ્રમુખ બાબરભાઈ પટેલે ચૂંટણી બિનહરીફ કરવા બદલ ભાજપ મોવડી મંડળ સહિતના ડિરેક્ટરોનો આભાર માન્યો હતો. ખેડૂતોના હિતમાં કામ કરવાની અને જિલ્લા સંઘની પ્રગતિ માટે પ્રયત્નશીલ રહેવાની ખાતરી આપી હતી. આવી સ્થિતિમાં આગામી લોકસભાની ચૂંટણીને ધ્યાનમાં રાખીને જિલ્લા સંઘમાં ભાજપને મેન્ડેટ આપીને પરિવર્તનનો પવન ફૂંકાવા લાગ્યો છે.