ઝલક દિખલા જા 11 વિજેતા: ઝલક દિખલા જા 11 આખરે વિજેતા બની. મનીષા રાનીએ ટ્રોફી જીતી હતી. ટ્રોફીની સાથે અભિનેત્રીને 30 લાખ રૂપિયા અને દુબઈ નજીકના એક ટાપુની સફર પણ મળી હતી. મનીષા, ધનશ્રી વર્મા, શોએબ ઈબ્રાહિમ, અદ્રિજા સિન્હા અને શ્રીરામ ચંદ્ર ટોપ 5માં હતા. મનીષા, શોએબ અને અદ્રિજા ટોપ 3માં હતા. જેમાં મનીષા સૌને પાછળ છોડીને વિજેતા બની હતી. ઝલક દિખલા જા 11 જીત્યા પછી, મનીષા રાનીએ પિંકવિલા સાથે વાત કરતા તેના ભાવિ પ્લાન વિશે કહ્યું, હું પણ બોલિવૂડમાં જવા માંગુ છું. જો મને ફિલ્મોમાં કામ કરવાની તક મળશે તો હું તે કરવા માંગુ છું. જોકે હું માનું છું કે ફિલ્મોમાં કામ કરવા માટે મારે મારી જાતને સુધારવી પડશે. હું મારા અભિનય પર કામ કરવા માંગુ છું અને આશા છે કે ભવિષ્યમાં ફિલ્મોમાં કામ કરીશ. ફિનાલેમાં સારા અલી ખાન, વિજય વર્મા અને સંજય કપૂર આવ્યા હતા. ત્રણેય તેમની આગામી ફિલ્મ મર્ડર મુબારકના પ્રમોશન માટે આવ્યા હતા. આ સિવાય હુમા કુરેશી પણ તેમાં આવી હતી.
ઝલક દિખલા જા 11: ઝલકની ટ્રોફી સાથે બિહાર જવું પડશે – મનીષા રાની