મહેસાણા અમદાવાદ હાઈવે પર માંડલી પાસે કાર પલટી, કારમાં સવાર લોકો ફસાઈ ગયા. જેમને મહેસાણા ફાયર વિભાગ દ્વારા બહાર કાઢી સારવાર માટે 108 એમ્બ્યુલન્સ મારફતે મહેસાણા સિવિલમાં ખસેડવામાં આવ્યા હતા. મહેસાણા અમદાવાદ હાઈવે પર માંડલી નજીક ઈન્ડિયન ઓઈલ પેટ્રોલ પંપ પાસે કાર નંબર GJ01KU2364 અચાનક પલટી ગઈ હતી. આસપાસના લોકોને સમગ્ર ઘટનાની જાણ થતાં તેઓ કાર પાસે આવી પહોંચ્યા હતા. બે લોકો ફસાયા હતા. દરમિયાન 108 એમ્બ્યુલન્સ પણ તાત્કાલિક રવાના કરવામાં આવી હતી જો કે 108ના જવાનોએ મહેસાણા નગરપાલિકાના ફાયર વિભાગને જાણ કરતા કારમાં ફસાયેલા લોકોને બહાર કાઢવામાં આવ્યા હતા. દરમિયાન ફાયર બ્રિગેડે ઘટના સ્થળે પહોંચી કારના કાચ તોડી બે લોકોને બહાર કાઢ્યા હતા.
કારમાં સવાર આયુષ ભાઈ રાજુભાઈ દેસાઈને ઈજા થતા 108 એમ્બ્યુલન્સ મારફત મહેસાણા સિવિલમાં અને વિનોદભાઈ રણછોડ ભાઈ પટેલને ટોલ નાકાની એમ્બ્યુલન્સ મારફત મહેસાણા સિવિલ ખાતે તબીબી સારવાર અર્થે ખસેડવામાં આવ્યા હતા. ફાયર વિભાગ અને 108 એમ્બ્યુલન્સની ટીમે અકસ્માતમાં ફસાયેલા બે લોકોને બહાર કાઢીને સિવિલમાં સારવાર માટે મોકલી આપ્યા હતા. જીવ બચી ગયો. જો કે, જ્યારે ડ્રાઇવરનો સંપર્ક કરવામાં આવ્યો, ત્યારે તેણે ફોન ઉપાડવાનું ટાળ્યું, કારણ કે તેઓ ક્યાં જઈ રહ્યા હતા અને અકસ્માત કેવી રીતે થયો તે સ્પષ્ટ ન હતું.