દુબઈથી નિકારાગુઆ જતા પ્લેનને ફ્રાંસમાં રોકવામાં આવ્યા બાદ ગેરકાયદેસર ભારતીયોને અમેરિકા મોકલવાની દિશામાં તપાસ શરૂ કરવામાં આવી છે. સીઆઈડી ક્રાઈમે આ કેસમાં તપાસ શરૂ કરી છે અને હવે વધુ બે લોકોની ધરપકડ કરવામાં આવી છે. CID ક્રાઈમે મહેસાણાના બે એજન્ટની ધરપકડ કરી છે.
CID ક્રાઈમે પુષ્પક રાવલ અને ફાલ્ગુની રાવલ નામના બે એજન્ટોની ધરપકડ કરી છે. મોઢેરામાં રહેતા દંપતીએ મેષવ પટેલ નામના યુવકને ગેરકાયદેસર રીતે અમેરિકા મોકલવા માટે સોદો ફાઇનલ કર્યો હતો. આ માટે એજન્ટોએ 55 લાખ રૂપિયા નક્કી કર્યા હતા. જેમાં રૂ.10 લાખ અગાઉ જ લઇ લીધા હતા. ફ્રાન્સથી પરત આવ્યા બાદ પૈસા પરત ન મળતાં તેણે મેષવ પટેલ દ્વારા છેતરપિંડીની ફરિયાદ કરી હતી.