ડીસા શહેરમાં મહોરમના તહેવાર નિમિત્તે શનિવારે તાજીયા માર્ગ પર 150 પોલીસ જવાનો સાથે ફ્લેગ માર્ચ કરવામાં આવી હતી જેથી કોઈ અનિચ્છનીય બનાવ ન બને. તાજિયા ડોલીવાસથી લેખરાજ ચાર રસ્તા, સરસ્વતી રેસ્ટોરન્ટથી ગાંધી ચોક, જૂની પોલીસ લાઈન, મીરા મોહલ્લાથી ગાવડી સુધીના રોડ પર 100 પોલીસકર્મીઓ અને 50 હોમગાર્ડ સાથે ફ્લેગ માર્ચ કાઢવામાં આવી હતી. જેમાં પીઆઈ અને પીએસઆઈ સહિતના કોન્સ્ટેબલોએ ભાગ લીધો હતો. ડીસા શહેર પોલીસે તહેવારના શાંતિપૂર્ણ અને સલામત આયોજન માટે ચુસ્ત બંદોબસ્ત ગોઠવ્યો છે.