જ્યારે સરકારી સંસ્થાઓમાં કામ કરતો કર્મચારી ગેરકાયદેસર કામકાજ અટકાવવા માટે તેની ફરજ પ્રત્યે નિષ્ઠા દર્શાવે છે, ત્યારે ગેરકાયદેસર પ્રવૃત્તિ કરનાર ગ્રાહક કોઈને કોઈ બહાને હુમલો કરે છે અને કામગીરીમાં અવરોધ ઉભો કરે છે. આવી જ એક ઘટના માલપુરના ચોરીવાડ ગામમાં બની હતી. માલપુર વીજ વિભાગની ટીમે આજે માલપુરના ચોરીવાડ ગામે રહેતા એક વ્યક્તિના ઘરે એક વર્ષનું વીજ બિલ બાકી હોવાથી કનેકશન બંધ કરી દીધું હતું અને વીજ મીટર કાઢી નાખ્યું હતું. ત્યારબાદ વિભાગીય કચેરી મોડાસાની સુચનાથી માલપુર યુજીવીસીએલની ટીમ ચોરીવાડ ગામે વીજ કનેકશન ચેક કરવા જતાં પ્રવિણભાઈ સોલંકીના ઘરની બહાર પંખો ચાલતો જોવા મળ્યો હતો. જેથી વીજ વિભાગની ટીમે પ્રવીણ સોલંકીના ઘરે તપાસ કરતાં તે તેના ઘર પાસેની વોટર વર્કસ લાઇનમાંથી વાયર ખેંચીને ગેરકાયદેસર વીજળીનો ઉપયોગ કરતો જણાયો હતો. પ્રવીણ સોલંકીના પુત્ર સાગર સોલંકી અને તેની પત્ની અને ભાઈ પ્રવીણ પોતે વીજ વિભાગ પર રોષે ભરાયા હતા.ટીમ વર્કર ગડ્ડાએ પાટુનો માર માર્યો હતો અને પગ પર લાઠી મારીને જાનથી મારી નાખવાની ધમકી આપી હતી. આથી માલપુર વીજ વિભાગના ઈજનેરે પ્રવીણ સોલંકી, તેના પુત્ર સાગર સોલંકી અને પત્ની સવિતા સોલંકી સામે માલપુર પોલીસમાં ફરિયાદ નોંધાવતા માલપુર પોલીસે ફરિયાદના આધારે કાર્યવાહી હાથ ધરી છે.