(જીએનએસ) 13
બિપરજોય ચક્રવાતને કારણે રાજ્ય પર ખતરો તોળાઈ રહ્યો છે. રાજ્ય સરકાર ચક્રવાતની તૈયારીમાં વ્યસ્ત છે. ત્યારે જૂનાગઢમાં બે દિવસથી ગાજવીજ સાથે વરસાદી માહોલ છે. ભારે પવન અને વરસાદના કારણે હવે નદીઓ પણ ઉભરાઈ છે. ત્યારે માળીયા હાટીનાની મેઘલ નદી પણ પાણીથી છલકાઇ હતી.ભારે વરસાદને કારણે મેઘલ નદીમાં પૂર આવ્યું હતું. મેઘલ નદી બે કાંઠે વહેતી હતી. નદીએ જાણે ઉગ્ર સ્વરૂપ ધારણ કરી લીધું હોય તેવું લાગે છે. બે દિવસના ભારે વરસાદ બાદ નદી બહાર આવી હતી. જો વધુ ગાજવીજ સાથે વરસાદ પડે તો તબાહીના દ્રશ્યો સર્જાઈ શકે છે.