આકરી ગરમીથી શહેરીજનો પરસેવે રેબઝેબ થઇ રહ્યા છે, 42.8 ડિગ્રી તાપમાન
અમદાવાદઃ
આ વર્ષે રાજ્યમાં ચોમાસાની અસર બાદ જેમ જેમ ગરમી વધી રહી છે તેમ તેમ આકાશમાંથી આગ વરસી રહી છે. હવામાન વિભાગે વધુ ગરમી પડવાની આગાહી કરી હતી. પરિણામે ગરમીનો પારો ઉંચકાયો હતો.
સમગ્ર ગુજરાતમાં તીવ્ર હીટ વેવની સંભાવના સાથે હવામાન વિભાગે અમદાવાદ માટે ઓરેન્જ એલર્ટ જાહેર કર્યું છે. મંગળવારે 42.9 ડિગ્રી સેલ્સિયસ તાપમાન સાથે અમદાવાદ રાજ્યનું સૌથી ગરમ શહેર રહ્યું હતું. આ ઉપરાંત ગાંધીનગર સહિત રાજકોટ, સુરેન્દ્રનગરમાં પણ પારો 42 ડિગ્રીને પાર કરી ગયો હતો.
હવામાન વિભાગના 2010-2019ના ડેટા પર નજર કરીએ તો વર્ષ 2016માં સૌથી વધુ મહત્તમ તાપમાન 48 ડિગ્રી નોંધાયું હતું. આ વર્ષે ઉનાળાની શરૂઆતમાં કડકડતી ઠંડી બાદ હવે આકરી ગરમી પડવાની શક્યતાઓ વ્યક્ત કરવામાં આવી રહી છે. હવામાન વિભાગ પણ ગરમીના પ્રકોપ વચ્ચે કેટલીક બાબતોનું ધ્યાન રાખવાની સલાહ આપી રહ્યું છે.
અમદાવાદનું મહત્તમ તાપમાન સામાન્ય રીતે ઉનાળા દરમિયાન વધે છે, જે માર્ચમાં 33 ડિગ્રીથી વધીને એપ્રિલમાં 41 ડિગ્રી અને મેના અંત સુધીમાં 42 ડિગ્રી થઈ જાય છે. જ્યારે સિઝનના અંત સુધીમાં લઘુત્તમ તાપમાન 16 ડિગ્રીથી વધીને 28 ડિગ્રી થાય છે.
અમદાવાદમાં ગરમીના કારણે હીટ સ્ટ્રોકના કેસમાં વધારો થયો છે. જેમાં મે મહિનાના 8 દિવસમાં ગરમીને લગતી બિમારીમાં વધારો થયો છે. તેમાંથી બેહોશીના સૌથી વધુ 108 ઈમરજન્સી કેસ નોંધાયા છે. જેમાં 8 દિવસમાં બેભાન થવાના 1377 કેસ નોંધાયા છે. હિટ સ્ટ્રોકના છેલ્લા 8 દિવસમાં 9 કેસ નોંધાયા છે. એમ્બ્યુલન્સને કુલ 5,642 ગરમી સંબંધિત કોલ મળ્યા છે. પેટમાં દુખાવાના 2040 કેસ, ઝાડા અને ઉલ્ટીના 1,192 કેસ નોંધાયા છે. અને માત્ર 8 દિવસમાં બેહોશી કે ચક્કર આવવાના 1377 કેસ નોંધાયા છે.