રાજસ્થાન પોલીસે ગુજરાત-રાજસ્થાન બોર્ડર પર અમીરગઢ નજીક રાજસ્થાનની માવલ પોલીસ ચેકપોસ્ટ પરથી ગુજરાતમાં પ્રવેશતા પહેલા તબીબી પુરવઠાની આડમાં કન્ટેનરમાં વિદેશી દારૂ જપ્ત કર્યો હતો. જેમાં રાજસ્થાનથી દારૂ ભરેલુ કન્ટેનર ગુજરાતમાં પ્રવેશે તે પહેલા જ રાજસ્થાન પોલીસને શંકા જતા કન્ટેનર અટકાવી દેતા દારૂનો મોટો જથ્થો ઝડપાયો હતો. આથી પોલીસે કન્ટેનર સાથે એક વ્યક્તિની અટકાયત કરીને આગળની કાર્યવાહી હાથ ધરી છે. ગુજરાતમાં દારૂબંધી હોવા છતાં ગુજરાતમાં મોટા પ્રમાણમાં વિદેશી દારૂની હેરાફેરી થઈ રહી છે. તે સમયે રાજસ્થાન પોલીસ માવલ ચેકપોસ્ટ પાસે રૂટીન ચેકીંગ કરી રહી હતી, તે દરમિયાન બાતમીના આધારે તેઓએ ત્યાંથી પસાર થતા એક કન્ટેનરને રોકીને ચાલકની પૂછપરછ કરતા તેણે પોલીસને જણાવ્યું કે તેમાં મેડિકલ કોલેજનો સામાન છે. પોલીસને શંકા જતાં પોલીસે તેને બાજુમાં લઈ જઈ ડ્રાઈવર પાસેથી સીલ ખોલાવતા ટ્રક ચાલક ફતેસિંગ ઉદેસિંગ રાજપૂત (રહે. ઉદેપુર રાજસ્થાન)ની ધરપકડ કરી વિદેશી દારૂની પેટીઓ સાથે પકડી પાડ્યો હતો, જેની કુલ કિંમત વીસ લાખથી વધુ હતી. . રાજસ્થાન આબુ રોડ પોલીસે કન્ટેનર ચાલકનો કબજો મેળવી તેની સામે ગુનો નોંધી આગળની કાર્યવાહી હાથ ધરી છે.