તોષાખાનામાં આયોજિત વસ્તુઓના ત્રણ દિવસીય પ્રદર્શન-વેચાણ કાર્યક્રમમાં ₹10,19,001ની કિંમતની કુલ 683 ભેટોનું વેચાણ થયું હતું.
ગોતા ખાતે જિલ્લા કલેક્ટર દ્વારા આયોજિત પ્રદર્શન અને વેચાણમાં નાગરિકોએ મોમેન્ટો, સોના-ચાંદીની ભેટ અને સંભારણું ખરીદ્યું હતું.
(GNS),તા.21
અમદાવાદ,
અમદાવાદ જિલ્લા કલેક્ટર શ્રીમતી પ્રવીણા ડી.કે.એ 18મી જાન્યુઆરીના રોજ ગોતા ખાતેના તોશાખાનામાં વિવિધ કાર્યક્રમો અને મુલાકાતો દરમિયાન મુખ્યમંત્રીને ભેટ-સોગાદો તરીકે મળેલી વસ્તુઓનું ત્રણ દિવસીય પ્રદર્શન-વેચાણ ખુલ્લું મુક્યું હતું. ગોતામાં સિટી કલેક્ટર (વેસ્ટ)ની કચેરી ખાતે આયોજિત મુખ્યમંત્રી તરફથી ભેટ તરીકે મળેલી વસ્તુઓના પ્રદર્શન અને વેચાણને નાગરિકોનો અભૂતપૂર્વ પ્રતિસાદ મળ્યો હતો. તોષાખાના ખાતે આયોજિત વસ્તુઓના ત્રણ દિવસીય પ્રદર્શન-વેચાણ કાર્યક્રમમાં ₹10,19,001ની કિંમતની કુલ 683 ભેટોનું વેચાણ કરવામાં આવ્યું હતું. એક્ઝિબિશન-સેલમાં નાગરિકોએ વિવિધ સંભારણું, સોના-ચાંદીની ભેટ અને અન્ય વસ્તુઓની ખરીદી કરી હતી.