(GNS),તા.18
મોટેરા-અમદાવાદ
મુખ્યમંત્રી શ્રી ભૂપેન્દ્ર પટેલ મોટેરાના ‘NY સિનેમા’ થિયેટરમાં ફિલ્મ ‘ખીચડી 2’ના પ્રીમિયરમાં ઉપસ્થિત રહ્યા હતા. આ પ્રસંગે મુખ્યમંત્રીએ કલાકારો, પ્રોડક્શન ટીમ અને ફિલ્મ પ્રેમીઓ સાથે ફિલ્મનો પ્રીમિયર નિહાળ્યો હતો અને ફિલ્મની સફળતા બદલ ‘ખીચડી 2’ની ટીમને અભિનંદન પાઠવ્યા હતા.
અત્રે ઉલ્લેખનીય છે કે લોકપ્રિય સિરિયલ ‘ખીચડી’ તેના રમુજી પાત્રો અને તેની નવીન રમૂજી શૈલીને કારણે લોકોમાં ખૂબ જ લોકપ્રિય બની હતી. ફિલ્મ ‘ખિચડી 2’ આ જ કલાકારો અને પાત્રોને લઈને બનાવવામાં આવી છે.
આ પ્રસંગે અમદાવાદના મેયર શ્રી પ્રતિભાબહેન જૈન, ડેપ્યુટી મેયર શ્રી જતીનભાઈ પટેલ, અમદાવાદ મ્યુનિસિપલ કોર્પોરેશન. કોર્પોરેશનની સ્ટેન્ડીંગ કમિટીના ચેરમેન શ્રી દેવાંગ દાણી અને નિવાસી અધિક કલેકટર શ્રી સુધીરભાઈ પટેલ ઉપસ્થિત રહ્યા હતા.