(GNS),તા.02
ગાંધીનગર,
શ્રી પુષ્કરસિંહ ધામી ઉત્તરાખંડ રાજ્યમાં આગામી દિવસોમાં યોજાનારી વાઈબ્રન્ટ સમિટના પ્રચાર અર્થે ગુજરાત આવ્યા છે. આ દરમિયાન તેમણે મુખ્યમંત્રી શ્રી ભૂપેન્દ્ર પટેલ સાથે આ બેઠક યોજી હતી.
મુલાકાત દરમિયાન મુખ્યમંત્રી શ્રી ભૂપેન્દ્ર પટેલે ઉત્તરાખંડના મુખ્યમંત્રીને વિગતો આપી હતી કે વૈશ્વિક પ્રગતિની દિશામાં વડાપ્રધાન શ્રી નરેન્દ્રભાઈ મોદીના માર્ગદર્શન અને પ્રેરણાથી ગુજરાતે વાઈબ્રન્ટ સમિટના બે દાયકા પૂર્ણ કર્યા છે. આ બેઠકમાં આગામી જાન્યુઆરી મહિનામાં યોજાનારી વાઈબ્રન્ટ સમિટની 10મી આવૃત્તિના સંદર્ભમાં પણ ચર્ચા-વિચારણા કરવામાં આવી હતી જેમાં ગુજરાત દ્વારા વિવિધ રાજ્યોમાં રોડ શોનું આયોજન કરવામાં આવ્યું છે. ઉત્તરાખંડના મુખ્યમંત્રી શ્રી પુષ્કરસિંહ ધામીએ અમદાવાદમાં અટલ બ્રિજની મુલાકાત લીધી હતી અને મુખ્યમંત્રી શ્રી ભૂપેન્દ્ર પટેલ સમક્ષ અમદાવાદના શહેરી વિકાસ આયોજન અને વિશ્વસ્તરીય માળખાકીય સુવિધાઓથી પ્રભાવિત થયાની લાગણી વ્યક્ત કરી હતી.