મોડાસા તાલુકામાં ચાર ઈંચ સુધીના ભારે વરસાદથી શહેરી અને ગ્રામ્ય વિસ્તારોમાં નીચાણવાળા વિસ્તારો પાણીમાં ગરકાવ થઈ ગયા હતા. મોડાસાના જીવનપુરથી ગદાદરને જોડતા 10 કિલોમીટર લાંબા રોડ પર બ્રિજ બનાવવાની કામગીરી ચાલી રહી છે. આવી સ્થિતિમાં આ ત્રણેય જગ્યાએ ત્રણ પુલના કામને કારણે રસ્તો બંધ કરી દેવાયો છે અને ત્રણ જગ્યાએ ડાયવર્ઝન આપવામાં આવ્યું છે. મોડાસા તાલુકામાં રાત્રિ દરમિયાન 4 ઈંચ જેટલો વરસાદ ખાબક્યો હતો. જેના કારણે ગ્રામ્ય વિસ્તારોમાં ભારે પૂર આવ્યું છે. જીવનપુરથી ગડદર-શામળાજી નેશનલ હાઈવેને જોડતા રોડ પરના ત્રણ પુલના કામ માટે બનાવેલ ત્રણ ડાયવર્ઝન પાંચ ફૂટથી વધુ પાણી ભરાઈ ગયા છે. જેના કારણે તે દિશામાં આવેલા 10થી વધુ ગામોને જોડતા રસ્તાઓ બંધ કરવા પડ્યા હતા. આવી સ્થિતિમાં હવે જનતા, ખેડૂતો અને વિદ્યાર્થીઓને ભારે હાલાકીનો સામનો કરવો પડી રહ્યો છે. સ્થાનિક લોકોની માંગ છે કે તંત્ર દ્વારા આ ડાયવર્ઝન ગોઠવવામાં આવે અને બંધ રસ્તા પૂર્વવત કરવામાં આવે.