મોડાસા શહેરમાં છેલ્લા કેટલાક સમયથી તસ્કરો ત્રાટકવામાં સફળ રહ્યા છે. ત્યારે જાણે તસ્કરો પોલીસને પડકાર ફેંકતા હોય તેમ ત્રણ દિવસમાં બીજી વખત તસ્કરીનો બનાવ પ્રકાશમાં આવ્યો છે.
મોડાસા શહેરના ડીપ વિસ્તારમાં છેલ્લા કેટલાક સમયથી બેંક ઓફ બરોડાનું ગ્રાહક સેવા કેન્દ્ર કાર્યરત છે. ત્યારે રાત્રી દરમિયાન આ ગ્રાહક સેવા કેન્દ્રના શટરના તાળા તોડી દુકાનમાંથી કોમ્પ્યુટર તેમજ અન્ય ચીજવસ્તુઓની ચોરી કરી ગયાની પ્રાથમિક માહિતી મળી હતી. આજે સવારે ગ્રાહક સેવા કેન્દ્રના સંચાલક દુકાને આવ્યા ત્યારે તેમણે જોયું કે દુકાનના શટરનું તાળું તૂટેલું હતું. કસ્ટમર કેર સેન્ટરના સંચાલકે હોલમાં તમામ સામાન વેરવિખેર જોવા મળતા મોડાસા શહેર પોલીસને જાણ કરી હતી. સમગ્ર ઘટના સંદર્ભે મોડાસા ટાઉન પોલીસે આગળની કાર્યવાહી હાથ ધરી છે.