રાજ્યભરની મહાનગરપાલિકા અને મહાનગરપાલિકાની ખાલી પડેલી 6 બેઠકો પર યોજાયેલી પેટાચૂંટણીના આજે પરિણામ જાહેર કરવામાં આવ્યા છે. ત્યારે મોડાસા નગરપાલિકાના વોર્ડ નંબર 7માં કોંગ્રેસનો વિજય થયો છે.મોડાસા નગરપાલિકાના વોર્ડ નંબર 7ની બેઠક ખાલી પડી હતી. ત્યારે આ બેઠક પર ગત 6 તારીખે ચૂંટણી યોજાઈ હતી. જેમાં ભાજપ, કોંગ્રેસ, AAP અને MIMના ઉમેદવારોએ ભાગ લીધો હતો. આજે મોડાસા એન્જીનીયરીંગ કોલેજ ખાતે વોર્ડ નં.7ની મતગણતરી હાથ ધરવામાં આવી હતી. જેમાં કોંગ્રેસના મોયુદ્દીન મલેકનો 65 મતોથી વિજય થયો છે. અગાઉ આ સીટ AMIM પાસે હતી. પેટાચૂંટણીમાં કોંગ્રેસ આ બેઠક કબજે કરવામાં સફળ રહી છે. જો કે મોડાસા નગરપાલિકામાં હાલમાં ભાજપનું શાસન છે. ચૂંટાયેલા કોંગી ઉમેદવારે મતદારોનો આભાર માન્યો હતો અને વોર્ડ નં.7ના વિકાસને લગતા પ્રશ્નોના નિરાકરણની ખાતરી આપી હતી.