આજકાલ જ્યારે શિક્ષણ ક્ષેત્રે ગળાકાપ હરીફાઈ છે અને અંગ્રેજી શિક્ષણ ખૂબ જ જરૂરી છે ત્યારે મોડાસા શહેરમાં પોદાર ઈન્ટરનેશનલ સ્કૂલ શરૂ કરવામાં આવી હતી. મોડાસા શહેર શૈક્ષણિક શહેર તરીકે જાણીતું છે. વિદ્યાર્થીઓ વિવિધ સંસ્થાઓમાં અભ્યાસ કરે છે. વર્તમાન કોમ્પ્યુટર યુગમાં શૈક્ષણિક સંસ્થાઓની હરીફાઈ સાથે મોડાસામાં પોદાર ઈન્ટરનેશનલ સ્કૂલ નામનું વધુ એક શૈક્ષણિક કેમ્પસ શરૂ કરવામાં આવ્યું છે. સમગ્ર દેશમાં 149 સંસ્થાઓ ધરાવતી અને આનંદી લાલ પોદાર દ્વારા શરૂ કરાયેલી 95 વર્ષ જૂની સંસ્થાનું મોડાસામાં ઉદ્ઘાટન કરવામાં આવ્યું છે.
છેલ્લા કેટલાક સમયથી શહેરમાં સંપૂર્ણ ડીજીટલ સુવિધા સાથે અંગ્રેજી માધ્યમની શાળાની માંગ ઉઠી રહી છે ત્યારે મોડાસામાં પોદાર ઈન્ટરનેશનલ સ્કુલ શરૂ થતા આસપાસના લોકોમાં આનંદની લાગણી ફેલાઈ છે.