રાજકોટ
રાજકોટ શહેરમાં દિવસેને દિવસે ગુંડાગીરી વધી રહી છે ત્યારે શહેરના કુવાડવા રોડ પર આવેલા શેલ પેટ્રોલ પંપ પર પેટ્રોલ ભરવા બાબતે થયેલી બોલાચાલીમાં બે લોકોએ પેટ્રોલ પંપના કર્મચારી પર છરી વડે હુમલો કર્યાની ઘટના સામે આવી છે. આ સમગ્ર ઘટના સીસીટીવીમાં કેદ થઈ ગઈ હતી. આ કેસમાં બી-ડિવીઝન પોલીસે ગણતરીના કલાકોમાં જ બંને આરોપીઓની ધરપકડ કરી લીધી છે.
બાઇક સવાર 2 લોકોએ કર્મચારીને ઠોકર મારી B ડિવિઝન પોલીસે આરોપી આફતાબ શેડા અને ફિરોઝ બેલીમને મિનિટોમાં પકડી પાડ્યા પોલીસે પેટ્રોલ પંપના ઇજાગ્રસ્ત કર્મચારીને સારવાર માટે હોસ્પિટલમાં દાખલ કરાયો છે.
આ અંગે પ્રાપ્ત માહિતી અનુસાર કુવાડવા રોડ પર આવેલ શેલના પેટ્રોલ પંપ પર ગત સાંજે બે વ્યક્તિ પેટ્રોલ પુરાવવા માટે આવ્યા હતા. જે કર્મચારીએ તેના સ્કૂટરમાં 110 રૂપિયાનું પેટ્રોલ ભરવાનું કહ્યું તેણે એટલું પેટ્રોલ આપ્યું. જોકે બાદમાં પેટ્રોલ ભરવા આવેલા લોકોએ કહ્યું કે અમે 210 રૂપિયાનું પેટ્રોલ આપવાનું કહ્યું હતું. આ મુદ્દે ઉગ્ર બોલાચાલી બાદ મામલો મારામારી સુધી પહોંચ્યો હતો.
દરમિયાન પેટ્રોલના ગ્રાહક તરીકે આવેલા એક વ્યક્તિએ તેના પેન્ટના ખિસ્સામાંથી છરી કાઢીને પેટ્રોલ પંપના કર્મચારીની બાજુમાં ઘા ઝીંકી દીધો હતો. જે બાદ તેને ઈજાગ્રસ્ત હાલતમાં સારવાર માટે હોસ્પિટલમાં દાખલ કરવામાં આવ્યો છે.
રાજકોટમાં પેટ્રોલ ભરવા બાબતે થયેલા ઝઘડામાં ગ્રાહકે પેટ્રોલ પંપના કર્મચારીને માર માર્યો, ઘટના CCTVમાં કેદ.#rajkotpolice #રાજકોટ #rajkotpolice #rajkotcrimenews #cctv pic.twitter.com/061j58fhdO
– ગુજરાતી જાગરણ (@gujaratjagran) 3 મે, 2023