ગુજરાતના 15 શહેરોમાં તાપમાન 34 ડિગ્રીને પાર
(GNS),તા.18
અમદાવાદ,
હાલમાં હવામાન વિભાગ દ્વારા સમગ્ર ઉત્તર ભારતમાં વરસાદની આગાહી કરવામાં આવી છે. ઉત્તર ભારતના ઘણા રાજ્યોમાં હિમવર્ષા અને વરસાદની આગાહી કરવામાં આવી છે. તેની સાથે ઠંડા પવનો પણ ફૂંકાઈ શકે છે. ત્યારે જોવાનું એ રહે છે કે હવામાનમાં આવેલા આ બદલાવની ગુજરાત પર શું અસર થશે. નવી આગાહી અનુસાર, 18 થી 20 ફેબ્રુઆરી દરમિયાન મજબૂત વેસ્ટર્ન ડિસ્ટર્બન્સ આવશે. જેના કારણે 18 થી 20 ફેબ્રુઆરી દરમિયાન સૌરાષ્ટ્રના ભાગોમાં 25 કિલોમીટરની ઝડપે પવન ફૂંકાય તેવી શક્યતા છે. 15મી ફેબ્રુઆરીથી તાપમાનમાં ધીમે ધીમે વધારો થશે. 18 થી 20 ફેબ્રુઆરી સુધી પવન વધુ રહેશે, ધૂળ વધશે અને ગરમી પડશે. શિયાળાની વિદાય અને ઉનાળાની એન્ટ્રી વચ્ચે મોટું સંકટ આવી ગયું છે. આ દરમિયાન વેસ્ટર્ન ડિસ્ટર્બન્સ આવ્યું છે. એક મોટું વેસ્ટર્ન ડિસ્ટર્બન્સ ઉત્તર ભારતમાંથી પસાર થવાનું છે. આ વેસ્ટર્ન ડિસ્ટર્બન્સ 18,19 થી 25 ફેબ્રુઆરી સુધી પસાર થશે. જેના કારણે ઉત્તર ભારતના પહાડી વિસ્તારોમાં હિમવર્ષા થઈ શકે છે. ઉત્તર ભારતમાં રહેવા માટે આ પ્રકારનું વાતાવરણ છે. આ વેસ્ટર્ન ડિસ્ટર્બન્સના કારણે 21 થી 26 ફેબ્રુઆરી વચ્ચે સામાન્ય ઠંડીનો રાઉન્ડ જોવા મળી શકે છે. આ તીવ્ર ઠંડી નહીં હોય, સામાન્ય ઠંડી હશે. આમાં પણ મિશ્ર હવામાન ચોક્કસપણે જોવા મળશે. રાત્રે તમને ખૂબ જ ઠંડી લાગશે. જ્યારે દિવસનું તાપમાન સામાન્ય કરતા એક કે બે ડિગ્રી વધુ રહેશે.
આગાહી અનુસાર, દરિયાકાંઠે ઉત્તર-પૂર્વીય પવનો ફૂંકાશે. જ્યાં પવનની ઝડપ 15 થી 20 પ્રતિ કલાક રહેવાની શક્યતા છે. જો આપણે દરિયાકાંઠાની બહારના વિસ્તારોની વાત કરીએ તો ત્યાં પણ પવનની દિશા ઉત્તર ઉત્તર-પૂર્વ હશે. જેના કારણે ગુજરાતમાંથી ઠંડી નહીં પડે તે વાત સાચી છે. હજુ થોડા દિવસો સુધી આકરી ઋતુનો અનુભવ થશે. હવામાન ખાતાની આગાહી મુજબ, દેશના ઉત્તરીય ભાગોમાં તેની અસર રહેશે, જેના કારણે પર્વતોમાં ભારે હિમવર્ષા અને મેદાનોમાં ઠંડા પવનો ફૂંકાવાની સંભાવના છે. ખાનગી હવામાન એજન્સી સ્કાયમેટ વેધર અનુસાર, એક પછી એક વેસ્ટર્ન ડિસ્ટર્બન્સ 17 ફેબ્રુઆરીથી 21 ફેબ્રુઆરીની વચ્ચે પર્વતો સુધી પહોંચવાની શક્યતા છે. જેના કારણે હિમવર્ષા સાથે વરસાદ પણ થઈ શકે છે. હવામાન ખાતાની આગાહી મુજબ શુક્રવારથી વેસ્ટર્ન ડિસ્ટર્બન્સની અસર દૂર થઈ જશે. જેના કારણે યુપી સહિત પંજાબ, હરિયાણા, હિમાચલ પ્રદેશ, ચંદીગઢ, જમ્મુ-કાશ્મીર અને દિલ્હી એનસીઆરના વિસ્તારોમાં ભારે વરસાદની સંભાવના છે. જ્યારે પહાડી વિસ્તારોમાં હિમવર્ષા થવાની સંભાવના છે. તાપમાનમાં નોંધપાત્ર ઘટાડો થવાની સંભાવના છે. બદલાતા હવામાનની શક્યતાઓને ધ્યાનમાં રાખીને હવામાન વિભાગે સમગ્ર ઉત્તર ભારત માટે ઓરેન્જ એલર્ટ જાહેર કર્યું છે. આગાહી અનુસાર, ઉત્તર ભારતના કેટલાક વિસ્તારોમાં ભારે વરસાદ થઈ શકે છે, કેટલાક વિસ્તારોમાં તોફાની પવન સાથે વરસાદ અને કરા પડી શકે છે. લઘુત્તમ અને મહત્તમ તાપમાનમાં ઘટાડો થઈ શકે છે.