ગાંધીનગર: (ગાંધીનગર) રાજ્યના જીએસટી વિભાગે રાજ્યભરમાં ડ્રાયફ્રુટ વેચનારાઓ પર સર્ચ ઓપરેશન શરૂ કર્યું છે. રાજ્યના જીએસટી વિભાગ દ્વારા અમદાવાદ, સુરત અને રાજકોટમાં 28 ડ્રાય ફ્રુટ વિક્રેતાઓના 51 ધંધાકીય સ્થળો પર સર્ચ ઓપરેશન હાથ ધરવામાં આવ્યું છે. જેમાં રૂ. 20 કરોડથી વધુના છુપાયેલા વ્યવહારો-કરચોરી ઝડપાઈ છે.
- GST સર્ચ ઓપરેશન, ડ્રાયફ્રુટના 28 વેપારીઓની 20 કરોડની કરચોરી ઝડપાઈ
- અમદાવાદમાં 30 જગ્યાએ – સુરતમાં 14 – રાજકોટમાં 7 જગ્યાએ GST ચોરી કરનારાઓ પર સર્ચ ઓપરેશન.
- 51 સ્થળોએ દરોડા દરમિયાન, સ્ટોકમાં કેટલીક વિસંગતતાઓ મળી આવી હતી, કેટલાક બીલ વિના વેચવામાં આવ્યા હતા.
રાજ્યના જીએસટી વિભાગના સૂત્રો પાસેથી મળેલી માહિતી મુજબ અમદાવાદ, સુરત અને રાજકોટમાં કુલ 28 ડ્રાયફ્રુટ વિક્રેતાઓના 51 ધંધાકીય સ્થળોએ સર્ચ ઓપરેશન હાથ ધરવામાં આવ્યું હતું. જેમાં 20 કરોડથી વધુની કરચોરી છુપાયેલા વેચાણ વ્યવહારો બહાર આવ્યા છે.
GST વિભાગે અમદાવાદમાં 30 સ્થળો, સુરતમાં 14 સ્થળો અને રાજકોટમાં 7 સ્થળોએ સર્ચ ઓપરેશન હાથ ધર્યું હતું. આ નિરીક્ષણ દરમિયાન, મોટાભાગના વેપારીઓના વ્યવસાયના સ્થળે માલના સ્ટોક અને હાથમાં રહેલા સ્ટોક વચ્ચે વિસંગતતા જોવા મળી હતી. HSN કોડમાં ફેરફાર કરીને, કેટલાક વેપારીઓ કાયદાની જોગવાઈઓ અનુસાર ચૂકવવાપાત્ર ટેક્સની ભરપાઈ કરતા ન હતા. કેટલાક વેપારીઓએ બિલ વગર માલ વેચ્યો હોવાનું પણ તપાસમાં બહાર આવ્યું છે.