પાટણ શહેર સહિત સમગ્ર જિલ્લામાં અસહ્ય ગરમીના કારણે લોકો પરેશાની ભોગવી રહ્યા છે. ત્યારે ગરમીથી બચવા લોકો કામ વગર ઘરની બહાર નીકળવાનું ટાળી રહ્યા છે. જેથી ગરમીના કારણે શહેરના બજાર માર્ગો અને રાજમાર્ગો પણ નિર્જન થઇ ગયા છે.
ત્યારે હાઇવે પર ભારે ગરમીમાં પસાર થતા વાહનોના ટાયર ફાટી જવાના અને વાહનમાં આગ લાગવાના બનાવો સામે આવી રહ્યા છે. રાધનપુરના ધારવાડી નજીક રોડ નજીકથી પસાર થતા કન્ટેનરમાં આગ લાગવાની આવી જ એક ઘટના રવિવારે બપોરે સામે આવી છે.
પાટણ જિલ્લાના રાધનપુર હાઇવે પર ધારવાડી ગામના પાટિયા પાસે પસાર થતા કાંકરી ભરેલા કન્ટેનરમાં અગમ્ય કારણોસર આગ ફાટી નીકળી હતી. જોકે, કન્ટેનરમાં આગની જાણ થતાં ડ્રાઇવર અને ક્લિનર બંનેએ સમયસૂચકતા વાપરી કન્ટેનરને રોડની બાજુએ ઊભું કરી દીધું હતું અને ક્લિનરનો ડ્રાઇવર કન્ટેનરમાંથી બહાર નીકળી ગયો હતો.
પાટણ જિલ્લાના રાધનપુર હાઇવે પર ધારવાડી ગામના પાટિયા પાસે પસાર થતા કાંકરી ભરેલા કન્ટેનરમાં અગમ્ય કારણોસર આગ ફાટી નીકળી હતી. જોકે, કન્ટેનરમાં આગની જાણ થતાં ડ્રાઇવર અને ક્લિનર બંનેએ સમયસૂચકતા વાપરી કન્ટેનરને રોડની બાજુએ ઊભું કરી દીધું હતું અને ક્લિનરનો ડ્રાઇવર કન્ટેનરમાંથી બહાર નીકળી ગયો હતો.