મુંબઈઃ રિલાયન્સ ઇન્ડસ્ટ્રીઝ લિમિટેડ (RIL) ના ત્રિમાસિક પરિણામો બજારની અપેક્ષાઓ કરતાં ઓછાં પડ્યાં પછી સોમવારે શરૂઆતના વેપારમાં મુખ્ય શેર સૂચકાંકો ઘટ્યા હતા. વિદેશી ભંડોળનો પ્રવાહ અને ક્રૂડ ઓઈલના ભાવમાં વધારો પણ બજારના સેન્ટિમેન્ટ પર અસર કરે છે. વેપારીઓ હવે યુએસ ફેડરલ રિઝર્વની આ સપ્તાહે જાહેર થનારી નાણાકીય નીતિની રાહ જોઈ રહ્યા છે.
આ સમયગાળા દરમિયાન બીએસઈનો 30 શેરો વાળા પ્રમુખ ઈન્ડેક્સ સેન્સેક્સ 87.24 પોઈન્ટ અથવા 0.13 ઘટીને 66,597.02 પર બંધ થયા છે. વ્યાપક NSE નિફ્ટી 10.65 પોઈન્ટ અથવા 0.05 ટકા ઘટીને 19,734.35 પર હતો. કોટક મહિન્દ્રા અને રિલાયન્સ ઇન્ડસ્ટ્રીઝના સેન્સેક્સ શેરોમાં નોંધપાત્ર ઘટાડો થયો હતો. બીજી તરફ, M&M અને Larsen & Toubro એક-એક ટકાથી વધુ વધ્યા હતા.
દેશની સૌથી મૂલ્યવાન કંપની રિલાયન્સ ઇન્ડસ્ટ્રીઝે શુક્રવારે તેના ત્રિમાસિક પરિણામો જાહેર કર્યા. કંપનીના ત્રિમાસિક નફામાં 11 ટકાનો ઘટાડો થયો છે. ગ્લોબલ ઓઇલ બેન્ચમાર્ક બ્રેન્ટ ક્રૂડ 0.14 ટકા ઘટીને USD 80.96 પ્રતિ બેરલ પર ટ્રેડ કરી રહ્યું હતું. સ્ટોક માર્કેટના કામચલાઉ ડેટા અનુસાર શુક્રવારે વિદેશી સંસ્થાકીય રોકાણકારો (FIIs)એ રૂ. 1,998.77 કરોડના શેરનું વેચાણ કર્યું હતું.