ટીવી કલાકારો અભિનવ શુક્લા અને રૂબીના દિલાઈક માતા-પિતા બની ગયા છે. જી હા, આ કપલ બે લાડલી દીકરીઓના માતા-પિતા બની ગયું છે. જો કે, કપલે હજુ સુધી આ સમાચારની સત્તાવાર પુષ્ટિ કરી નથી. રૂબીના અને અભિનવ શુક્લાએ જોડિયા છોકરીઓનું સ્વાગત કર્યું. આ સમાચારની પુષ્ટિ અભિનેત્રીની ટ્રેનર જ્યોતિ પાટીલે 16 ડિસેમ્બરે કરી હતી. બાદમાં તેણે તેની પોસ્ટ એડિટ કરી. તમને જણાવી દઈએ કે વર્ષ 2018માં જ રૂબિના દિલાઈક અને અભિનવ શુક્લાના લગ્ન થયા હતા. તેઓએ પહાડોની વચ્ચે સુંદર લગ્ન કર્યા હતા. લગ્ન પહેલા તેઓએ સાત વર્ષ સુધી ડેટિંગ કર્યું હતું.