લાખણી તાલુકાની મોરલ અનુપમ પ્રાથમિક શાળામાં 77માં સ્વાતંત્ર્ય પર્વની રંગારંગ ઉજવણી કરવામાં આવી હતી. જેમાં પ્રથમ ધ્વજ ફરકાવવામાં આવ્યો હતો. જેમાં એસએમસી પ્રમુખ દલપતસિંહ વર્ધાજી રાજપૂતના હસ્તે ધ્વજવંદન કરવામાં આવ્યું હતું. ત્યારબાદ સાંસ્કૃતિક કાર્યક્રમમાં બાળકો દ્વારા વિવિધ દેશભક્તિના નૃત્યો, હાસ્ય નાટકો રજૂ કરવામાં આવ્યા હતા. કાર્યક્રમમાં ભાગ લેનાર તમામ બાળકોને ગ્રામજનો દ્વારા વિવિધ ઈનામોની જાહેરાત કરવામાં આવી હતી. શાળાને દાન આપનાર દાતાઓનું સન્માન કરવામાં આવ્યું હતું. કાર્યક્રમનું સંચાલન શાળાના શિક્ષક મૌલિકભાઈ રાજુભાઈ ચૌહાણે કર્યું હતું. સમગ્ર કાર્યક્રમનું આયોજન શાળાના ઉત્સાહી આચાર્યના માર્ગદર્શન હેઠળ કરવામાં આવ્યું હતું.