રાજ્યમાં ફરી વરસાદી માહોલ જોવા મળી રહ્યો છે, હવામાન વિભાગે પોતાની આગાહીમાં ગુજરાતમાં 4 દિવસ સુધી વરસાદની આગાહી કરી છે. ઓગસ્ટ માસના દુષ્કાળ બાદ મેઘરાજા ફરી ખુશ થયા છે. જો કે હવામાન વિભાગ દ્વારા વરસાદની આગાહીના પગલે ખેડૂતોમાં ખુશીનો માહોલ જોવા મળી રહ્યો છે.
અમદાવાદ હવામાન કેન્દ્રના વૈજ્ઞાનિક રામાશ્રય યાદવે આગાહી વિશે જણાવ્યું હતું કે 16 થી 18 સપ્ટેમ્બર દરમિયાન ભારે વરસાદ પડી શકે છે. આ સાથે તેમણે શનિવારની આગાહી અંગે કહ્યું કે છોટાઉદેપુર અને નર્મદામાં ભારે વરસાદ પડી શકે છે. 5 જિલ્લામાં ભારેથી અતિ ભારે વરસાદ પડી શકે છે. જેમાં સુરત, ડાંગ, નવસારી, વલસાડ, તાપી, દાદરાનગર અને દમણમાં ભારેથી અતિભારે વરસાદની આગાહી છે. પંચમહાલ, દાહોદ, વડોદરામાં પણ ભારે વરસાદ પડી શકે છે.