વલસાડ.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) એ આજે ધોરણ 12 સાયન્સનું પરિણામ જાહેર કર્યું છે. આજે જાહેર થયેલા પરિણામમાં થોડી ખુશી તો ક્યાંક દુ:ખ હતી. આવા કિસ્સામાં વલસાડ જિલ્લાની એક વિદ્યાર્થીનીએ પરીક્ષામાં નાપાસ થતાં આત્મહત્યા કરી લીધી હતી.
આ અંગે પ્રાપ્ત માહિતી અનુસાર 12માં ધોરણમાં અભ્યાસ કરતી નેહા પટેલ નામની વિદ્યાર્થીનીએ પારડી પાસેથી પસાર થતી પાર નદીમાં ઝંપલાવી આપઘાત કરી લીધો હતો. આ ઘટનાને પગલે નદી પરથી પસાર થતા વાહનચાલકોની ભીડ જોવા મળી હતી. આ વાતની જાણ થતાં પોલીસની ટીમ અને ચંદ્રપુર લાઈફ સેવર ટ્રસ્ટના સભ્યો ઘટનાસ્થળે પહોંચી ગયા અને નેહાના મૃતદેહને નદીમાંથી બહાર કાઢ્યો.
પ્રાથમિક તપાસમાં નેહાએ 12માની પરીક્ષા આપી હતી. આજે જાહેર થયેલા પરિણામોમાં નેહાએ ફરી એકવાર નાપાસ થતાં અંતિમ પગલું ભર્યું હોવાનું બહાર આવ્યું છે. મરતા પહેલા નેહા તેના પિતાને ફોન કરે છે અને કહે છે કે તે નદી પરના પુલ પર છે અને ફરી નિષ્ફળ ગઈ છે. હાલ પોલીસે અકસ્માત મોતનો ગુનો નોંધી વધુ તપાસ હાથ ધરી છે.