(GNS) તા. 2
ગાંધીનગર,
દેશના સફળ વડાપ્રધાન શ્રી નરેન્દ્રભાઈ મોદીના વિકસિત ભારત માટેના સંકલ્પ હેઠળ કેન્દ્ર અને રાજ્ય સરકારો સ્વસ્થ ભારતના નિર્માણ માટે સતત કામ કરી રહી છે. જેના ભાગરૂપે ગાંધીનગર મહાનગરપાલિકાના માન. મેયર શ્રી હિતેશભાઈ મકવાણાએ વર્ષ 2023-24 માટે તેમની ગ્રાન્ટમાંથી 4 સોનોગ્રાફી મશીન ખરીદ્યા હતા.આ મશીનનું આજે લોકાર્પણ કરવામાં આવ્યું હતું. મેયર શ્રી હિતેશભાઈ મકવાણાના આશીર્વાદ તેમજ ધારાસભ્ય શ્રી રીટાબેન પટેલ, ડે. મેયરશ્રી પ્રેમલસિંહ ગોલ અને સ્ટે. અર્બન હેલ્થ સેન્ટર, સેક્ટર-24 ખાતે ચેરમેન શ્રી જશવંતભાઈ પટેલની વિશેષ ઉપસ્થિતિમાં આયોજન કરવામાં આવ્યું હતું.આ પ્રસંગે મેયર શ્રીએ જણાવ્યું હતું કે લોકોને માત્ર રૂ.100ના ટોકન દરે આ સુવિધાનો લાભ મળશે. જેનો લાભ માસિક અંદાજિત 1000 લોકો એટલે કે વાર્ષિક 12000 લોકો લેશે.આ પ્રસંગે કમિશનર શ્રી જે.એન.વાઘેલા, કાઉન્સિલરો, શહેર મહામંત્રી, અધિકારીઓ, કર્મચારીઓ અને મોટી સંખ્યામાં લોકો ઉપસ્થિત રહ્યા હતા.