વિશાલ ભારદ્વાજ પ્રેમચંદની વાર્તા ‘ક્રિકેટ મેચ’ પર ફિલ્મ બનાવવા માંગે છે.
‘ઓમકારા’, ‘મકબૂલ’, ‘સાત ખૂન માફ’, ‘કમીને’ જેવી યાદગાર ફિલ્મો બનાવનાર વિશાલે 17માં જયપુર લિટરરી ફેસ્ટિવલ (JLF)માં આ વાત કહી. વિશાલ ભારદ્વાજે કહ્યું કે આઝાદી પહેલા લખાયેલી પ્રેમચંદની આ વાર્તા તેને પસંદ છે કારણ કે તે ક્રિકેટને કેન્દ્રમાં રાખીને લખવામાં આવી છે અને આ રમતે તેના જીવનમાં પણ મોટી ભૂમિકા ભજવી છે. વિશાલે કહ્યું કે આ વાર્તામાં એક વિદેશી છોકરી છે, જે ભારત આવે છે અને ભારતીયો સાથે ક્રિકેટ ટીમ બનાવે છે અને અંતે શું થાય છે કે ટીમના તમામ ખેલાડીઓ તે છોકરીના પ્રેમમાં પડી જાય છે.