વિસનગરના કડા રોડ પર આવેલી દર્શન હોટલ પાસે બપોરે પતિ-પત્ની અમદાવાદથી સ્વિફ્ટ કારમાં આવી રહ્યા હતા, ત્યારે સામેથી આવતા વાહને ડિવાઈડર તોડી તેમની સ્વીફ્ટ કાર સાથે ટક્કર મારી હતી. અકસ્માતમાં સ્વિફ્ટ કાર કેનાલમાં પડી હતી. ઈજાગ્રસ્ત હાલતમાં કારમાં સવાર પતિ-પત્નીને નૂતન હોસ્પિટલમાં લઈ જવામાં આવ્યા હતા, જ્યાંથી વધુ સારવાર માટે અમદાવાદ સિવિલ હોસ્પિટલમાં રિફર કરાયા હતા. આ બનાવ અંગે વિસનગર સીટી પોલીસ મથકમાં અકસ્માત સર્જનાર ચાલક વિરૂધ્ધ ફરિયાદ નોંધાવી છે. પોલીસે ગુનો નોંધી આગળની કાર્યવાહી હાથ ધરી છે.
અમદાવાદમાં દીપ્તિ સોલંકી અને તેના પતિ બિપીન સોલંકી જેઓ તેમના સ્વિફ્ટ વાહન નંબર જીજે.24 એક્સ.2470માં દિપ્તીબેનના ભાઈ દીપકને મળવા વિસનગર આવી રહ્યા હતા. ત્યારે કડા રોડ પર આવેલી દર્શન હોટલ સામેથી પસાર થતા હતા ત્યારે વિસનગર તરફથી આવતા વાહને ડિવાઈડર ઓળંગીને સ્વીફ્ટ કાર સાથે ટક્કર મારી હતી. જ્યાં આસપાસના લોકોએ નહેરમાંથી બહાર કાઢ્યો હતો. જેથી બંને પતિ-પત્નીને ઇજા થતાં વિસનગર નૂતન જનરલ હોસ્પિટલમાં સારવાર અર્થે ખસેડાયા હતા. જ્યાંથી વધુ સારવાર માટે અમદાવાદ સિવિલ હોસ્પિટલમાં લઈ જવાયો હતો. આમ દીપ્તિબેને વાહન નંબર GJ.02 DJ.0534 ના ચાલક સામે વિસનગર શહેર પોલીસ મથકે સામેથી ડિવાઈડર કૂદીને ઈજા પહોંચાડવા અંગેનો ગુનો નોંધાવ્યો હતો. પોલીસે ગુનો નોંધી આગળની કાર્યવાહી હાથ ધરી છે.