વિસનગર શહેરના સ્વાલા દરવાજા વિસ્તારમાં પંચાલ માર્કેટ પાસે આવેલા વરલી મટકા સંચાલિત જગ્યા પર શહેર પોલીસે દરોડો પાડ્યો હતો. જેમાં પોલીસે સ્થળ પર દરોડો પાડી બે રાઇટર અને 10 રાઇટર મળી કુલ 12 લોકોની ધરપકડ કરી હતી. જેમાં પોલીસે રોકડ અને મોબાઈલ ફોન સહિત જુગારનું સાહિત્ય મળી કુલ 15,670નો મુદ્દામાલ કબજે કરી તમામ સામે ગુનો નોંધી વધુ તપાસ હાથ ધરી છે. વિસનગર સીટી પોલીસ સ્ટેશનના પીઆઈ એસ. નિનામાને બાતમી મળી હતી કે, સાવલા દરવાજા પાસે પંચાલ માર્કેટ પાસે મારવાડી પૂનમચંદ નારાયણજી અને સથવારા નારાયણ ઉર્ફે લાલા ગાંડાભાઈ નામના બે શખ્સો વરલી મટકાનો જુગાર રમી રહ્યા છે. જેના આધારે પોલીસ સ્ટાફે સ્થળ પર જઈને વરલી મટકા જુગારના સંચાલક અને રાઈટર મળી કુલ 12 લોકોની ધરપકડ કરી હતી. જેમાં પોલીસે સ્થળ પરથી વરલી મટકાના જુગારના સાહિત્ય સાથે 14,470 રોકડા અને બે મોબાઈલ ફોન મળી કુલ રૂ.15,670નો મુદ્દામાલ કબજે કરી ઝડપાયેલા તમામ શખ્સો સામે ગુનો નોંધી વધુ તપાસ હાથ ધરી છે.