આ દિવસોમાં ટ્રેનના વીડિયો વાયરલ થઈ રહ્યા છે. ભારતના દિલ્હી અને મુંબઈની ઘણી ટ્રેનોના વીડિયો વાયરલ થયા બાદ હવે લંડનથી એક વીડિયો સામે આવ્યો છે. અહીં એક છોકરો છૈયા-છૈયા પર ડાન્સ કરીને વાયરલ થઈ રહ્યો છે.
હાલમાં જ ઈન્સ્ટાગ્રામ પર એક વીડિયો અપલોડ કરવામાં આવ્યો છે. આ વીડિયોમાં એક વ્યક્તિ શાહરૂખ ખાનના ફેમસ ગીત છૈયા-છૈયા પર ડાન્સ કરતો જોવા મળી રહ્યો છે.
આ ગીતમાં શાહરૂખ અને મલાઈકા અરોરા ટ્રેનની છત પર ઉભા રહીને ડાન્સ કરી રહ્યાં છે, આ વ્યક્તિએ આ ગીતની નકલ કરી છે. જો કે તે ટ્રેનની છત પર ચઢ્યો ન હતો, પરંતુ તેણે ટ્રેનની અંદર ચૈયાં-ચૈયાં ગીત પર ડાન્સ કર્યો હતો અને તે વાયરલ થયો હતો.
વાયરલ વીડિયોમાં તે વ્યક્તિ લંડનની અંડરગ્રાઉન્ડ ટ્રેનમાં મુસાફરી કરી રહ્યો છે અને ટ્રેનની અંદર લોકોની સામે ઉભા રહીને ડાન્સ કરવા લાગે છે. આ પછી તે ક્યારેક પ્લેટફોર્મ પર તો ક્યારેક રેલ્વે સ્ટેશનના એસ્કેલેટર અને સીડીઓ પર ડાન્સ કરે છે.
આ છોકરો શાહરૂખના સ્ટેપ્સની નકલ કરી રહ્યો છે અને લોકો પણ તેની સામે આશ્ચર્યથી જોઈ રહ્યા છે. વીડિયોના અંતે તે ચૂપચાપ ટ્રેનની સીટ પર બેઠો છે.
લોકો આ વીડિયોમાં તેની ફની સ્ટાઇલને પસંદ કરી રહ્યા છે. લોકો આ વીડિયોને ખૂબ જ શેર અને પસંદ કરી રહ્યા છે. ઘણા લોકોએ કોમેન્ટ કરીને પોતાનો અભિપ્રાય આપ્યો છે. એક વ્યક્તિએ કહ્યું, વ્યક્તિના આત્મવિશ્વાસને સલામ કરવી જોઈએ. એક યુઝરે લખ્યું કે આ ખૂબ જ ફની સીન છે. એકે કહ્યું, લોકો વીડિયો બનાવવા માટે કંઈ પણ કરવા તૈયાર છે.