સુરત શહેરમાં તાજેતરમાં વૃદ્ધ મહિલાઓને ટાર્ગેટ બનાવી સોનાના દાગીના સહિત રોકડની લૂંટના બનાવો શહેર પોલીસના ચોપડે નોંધાયા છે. અગાઉ આવા બનાવોમાં શહેર પોલીસના ડરથી ઠગ ટોળકી વૃદ્ધ મહિલાઓ પાસેથી સોનાના દાગીના આંચકીને ભૂગર્ભમાં ઉતરી ગઈ હતી.
સુરત શહેરમાં તાજેતરમાં વૃદ્ધ મહિલાઓને ટાર્ગેટ બનાવી સોનાના દાગીના સહિત રોકડની લૂંટના બનાવો શહેર પોલીસના ચોપડે નોંધાયા છે. અગાઉ આવા બનાવોમાં શહેર પોલીસના ડરથી ઠગ ટોળકી વૃદ્ધ મહિલાઓ પાસેથી સોનાના દાગીના આંચકીને ભૂગર્ભમાં ઉતરી ગઈ હતી. પરંતુ લાંબા સમય બાદ આ ગેંગ ફરી સક્રિય થઈ હતી.
સુરતના ઉધના વિસ્તારમાં ઠગ ટોળકીએ ત્રણ વૃદ્ધોને નિશાન બનાવી સોનાના દાગીનાની ચોરી કરી હતી. ત્રણ અલગ-અલગ બનાવ અંગે ઉધના પોલીસ સ્ટેશનમાં ફરિયાદ પણ નોંધાઈ હતી. વૃદ્ધ મહિલાઓને નિશાન બનાવી સોનાના દાગીના આંચકી લેતી ઠગ ટોળકીને પકડવા માટે ઉધના પોલીસની જુદી જુદી ટીમો કામ કરી રહી હતી. આખરે ઉધના પોલીસને આ ઠગ ટોળકીને પકડવામાં સફળતા મળી છે.
ઉધના પોલીસ મથકના સૂત્રો પાસેથી પ્રાપ્ત વિગતો અનુસાર, પોલીસને ખાસ બાતમી મળી હતી કે વૃદ્ધ મહિલાઓને નિશાન બનાવી સોનાના દાગીનાની લૂંટ કરતી ટોળકી સુરતના ડિંડોલી ગરનાળા પાસેથી ઓટો રિક્ષા લઈને ઉધના 3 રોડ તરફ ચોરીના સોનાના દાગીના વેચવા આવી રહી છે. . આ ચોક્કસ માહિતીના આધારે ઉધના પોલીસની ટીમે સર્વેલન્સ હાથ ધરી મુમતાઝ શેખની સાથે અશફાક ઉર્ફે ગોલ્ડન અબ્બાસ શેખ, કરણ રામદાસ બાગુલ અને નરગીસ ઈકબાલ વજીર શેખની ઓટોરિક્ષા લઈને ધરપકડ કરી હતી.
તમામની તલાશી લેતા પોલીસને સોનાનું મંગળસૂત્ર, સોનાની ચેન, લોકેટ અને કાનની વીંટી મળી આવી હતી. આ તમામે ઉધના વિસ્તારમાં રહેતી એક વૃધ્ધ મહિલાને નિશાન બનાવી સોનાના દાગીના અંગે પૂછપરછ કરતાં આ દાગીના ચોરી કરીને લીધાની કબુલાત કરી હતી. પોલીસે આરોપીઓ પાસેથી રૂ. 2.44 લાખની કિંમતની ઓટો રિક્ષા અને સોનાના દાગીના કબજે કરી વધુ તપાસ હાથ ધરી છે.
ઉધના પોલીસની તપાસમાં પોલીસ ચોપડે નોંધાયેલા ત્રણ ગુનાનો ભેદ ઉકેલાયો હતો. ઉધના પોલીસની તપાસમાં બહાર આવ્યું છે કે આ ઠગ ટોળકીનો મુખ્ય લીડર સલાબતપુરાના રાજુનગરમાં રહેતો અશફાક ઉર્ફે ગોલ્ડન અબ્બાસ શેખ છે, જે ઓટો રિક્ષા ચાલક છે. અશફાક શેખ તેના સહ-આરોપી કરણ રામદાસ બાગુલ, નરગીસ ઈકબાલ વજીર શેખ અને અન્ય ત્રણ સાથે તેની ઓટો રિક્ષામાં શહેરમાં ફરે છે.