બંગાળની ખાડીમાં ચોમાસું સિસ્ટમ સક્રિય થયા બાદ 18 જુલાઈ પછી રાજ્યમાં ભારેથી અતિભારે વરસાદની શક્યતા છે.
બંગાળની ખાડીમાં મોનસુન સિસ્ટમ સક્રિય થવાને કારણે રાજ્યમાં વરસાદની સ્થિતિ યથાવત રહેશે. 18 જુલાઈ પછી રાજ્યમાં ભારેથી અતિભારે વરસાદની સંભાવના છે. દક્ષિણ ગુજરાત અને સૌરાષ્ટ્રમાં ભારે વરસાદની સંભાવના છે. રાજ્યમાં હવામાન વિભાગે આગામી 5 દિવસ સુધી વરસાદની સંભાવના વ્યક્ત કરી છે.
પોરબંદર, જૂનાગઢ, ગીર સોમનાથ, દાહોદ, છોટા ઉદેપુર, નવસારી અને વલસાડમાં વરસાદની સંભાવના છે. જ્યારે આવતીકાલે અમરેલી, ભાવનગર, નવસારી, વલસાડમાં ભારે વરસાદ પડશે જ્યારે 18 જુલાઇએ અમરેલી, ભાવનગર, ભરૂચ, સુરત, નવસારી અને વલસાડમાં ભારે વરસાદની સંભાવના છે.
પોરબંદર, જૂનાગઢ, ગીર સોમનાથ, અમદાવાદ, ખેડા, આણંદ, બરોડા, ભરૂચ, સુરત, અમરેલી, ભાવનગર, નર્મદા, તાપીમાં 19 જુલાઈએ વરસાદની અપેક્ષા છે. 20 જુલાઈએ કચ્છ, સુરેન્દ્રનગર, અમદાવાદ, બોટાદ, ભાવનગર, અમરેલી, ગીર સોમનાથ, આણંદ, ભરૂચ અને વલસાડમાં ભારે વરસાદની સંભાવના છે.