હોંગ કોંગ: જૂનમાં ચીનની નિકાસ વાર્ષિક ધોરણે 12.4 ટકા ઘટી છે. વિશ્વભરની મધ્યસ્થ બેન્કોએ ફુગાવાને કાબૂમાં લેવા વ્યાજદરમાં વધારો કર્યા પછી માંગ નબળી પડતાં ચીનની નિકાસમાં ઘટાડો થયો હતો. ચીનમાં ગુરુવારે જારી કરાયેલા કસ્ટમ્સ ડેટા અનુસાર, આયાતમાં 6.8 ટકાનો ઘટાડો થયો છે. વિદેશી વેપારમાં નબળાઈએ વિશ્વની બીજી સૌથી મોટી અર્થવ્યવસ્થા પર દબાણ વધાર્યું છે.
આ વર્ષે જાન્યુઆરી-જૂનમાં આયાત અને નિકાસ સહિત ચીનના કુલ વેપારમાં વાર્ષિક ધોરણે લગભગ પાંચ ટકાનો ઘટાડો થયો છે. આ સમયગાળા દરમિયાન નિકાસમાં 3.2 ટકા જ્યારે આયાતમાં 6.7 ટકાનો ઘટાડો થયો છે. સુરક્ષા ચિંતાઓ અને ચીનની ઔદ્યોગિક નીતિને લઈને બેઈજિંગ સાથે વોશિંગ્ટનના વિવાદને કારણે વેપારને પણ અસર થઈ છે.