વૈશ્વિક આર્થિક રિકવરીમાં મંદીની અસર ઈક્વિટીમાં ફોરેન ડાયરેક્ટ ઈન્વેસ્ટમેન્ટ (FDI) પર પડી છે. ચાલુ નાણાકીય વર્ષમાં એપ્રિલથી જુલાઈ સુધીમાં ઈક્વિટી FDI $13.9 બિલિયન નોંધાયું છે. જે ગયા વર્ષના સમાન ગાળામાં 22.04 અબજ ડોલર જોવામાં આવ્યું હતું. ચોખ્ખી FDI વિશે વાત કરીએ તો, તે એપ્રિલથી જુલાઈ 2022 દરમિયાન 17.28 અબજ ડૉલર જોવામાં આવ્યું હતું. જે ચાલુ વર્ષના સમાન ગાળામાં માત્ર 5.7 અબજ ડોલર નોંધાઈ છે. નેટ આઉટફ્લો માઈનસ નેટ ઈન્ફ્લો નેટ એફડીઆઈ કહેવાય છે. તેનું મુખ્ય કારણ ગ્રોસ એફડીઆઈમાં ઘટાડો હતો. એપ્રિલ-જુલાઈ 2023માં ભારતમાં ગ્રોસ એફડીઆઈ ઘટીને $22 બિલિયન થઈ ગયું. જે રિઝર્વ બેંક ઓફ ઈન્ડિયાના ડેટા અનુસાર એપ્રિલ-જુલાઈ 2022માં $29.6 બિલિયન જોવામાં આવ્યું હતું.
આરબીઆઈના સપ્ટેમ્બર બુલેટિનમાં સ્ટેટ ઓફ ધ ઈકોનોમીના લેખ અનુસાર, ભારતમાં સીધા રોકાણકારો તરફથી ડિસઇન્વેસ્ટમેન્ટમાં નોંધપાત્ર વધારો જોવા મળ્યો છે અને એપ્રિલ-જુલાઈ દરમિયાન $13.18 બિલિયન નોંધાયું છે. જે ગયા વર્ષના સમાન ગાળામાં 8.81 અબજ ડોલર જોવામાં આવ્યું હતું. મેન્યુફેક્ચરિંગ, ફાઇનાન્સિયલ સર્વિસિસ, બિઝનેસ સર્વિસિસ, કમ્પ્યુટર સર્વિસિસ, પાવર અને અન્ય એનર્જી સેક્ટર એફડીઆઇ ઇક્વિટી પ્રવાહમાં 66 ટકા હિસ્સો ધરાવે છે. દેશમાં એફડીઆઈના મુખ્ય સ્ત્રોત દેશોમાં સિંગાપોર, જાપાન, નેધરલેન્ડ, યુએસએ અને મોરેશિયસનો સમાવેશ થાય છે. કુલ એફડીઆઈ પ્રવાહમાં તેમનો હિસ્સો 66 ટકાથી વધુ હતો, એમ આરબીઆઈના અહેવાલમાં જણાવાયું છે.
કેટલાક ઉચ્ચ-આવર્તન સૂચકાંકો વર્તમાન કેલેન્ડરના ત્રીજા ક્વાર્ટરમાં વૈશ્વિક અર્થતંત્રમાં વેગમાં નરમાઈ તરફ ઈશારો કરે છે. ઉપરાંત, વિવિધ ભૌગોલિક વિસ્તારોમાં વિવિધ વલણો જોવા મળે છે. વૈશ્વિક અર્થતંત્રમાં માળખાકીય ફેરફારોને કારણે દૃષ્ટિકોણ જટિલ લાગે છે. રિપોર્ટમાં કહેવામાં આવ્યું છે કે 2023માં અપેક્ષા કરતા વધુ સારા પ્રદર્શન બાદ 2024માં વૈશ્વિક અર્થવ્યવસ્થાને લઈને ચિંતા વધી રહી છે.