ડીસાની ડીએનપી આર્ટસ એન્ડ કોમર્સ કોલેજમાં જીમખાના ન હોવા છતાં વર્ષોથી માંગણી કરી રહેલા અખિલ ભારતીય વિદ્યાર્થી પરિષદના કાર્યકરોએ આજે પ્રિન્સીપાલને આવેદનપત્ર આપ્યું હતું. ત્રણ દિવસમાં જીમખાનાની ફી ક્યાં ખર્ચવામાં આવી અને જો જલ્દી જીમખાના બનાવવા માટે યોગ્ય કાર્યવાહી કરવામાં નહીં આવે તો હિંસક આંદોલન કરવાની ચીમકી આપી છે. ડીસાની ડીએનપી આર્ટસ એન્ડ કોમર્સ કોલેજ તેની શરૂઆતથી જ વિદ્યાર્થીઓ પાસેથી જીમ્નેશિયમ ફી વસૂલતી રહી છે. મેનેજમેન્ટે હજુ સુધી કોલેજમાં જીમ બનાવ્યો નથી તેમ છતાં દર વર્ષે વિદ્યાર્થીઓ પાસેથી જીમની ફી વસુલવામાં આવે છે. આ બાબત ધ્યાને આવતાં જ અખિલ ભારતીય વિદ્યાર્થી પરિષદના કાર્યકરોએ વિદ્યાર્થીઓ સાથે મળીને કોલેજના પ્રિન્સિપાલને આવેદનપત્ર આપ્યું હતું. કાર્યકરોએ જણાવ્યું હતું કે, કોલેજમાં જીમખાના ન હોવા છતાં શા માટે જીમખાનાની ફી લેવામાં આવે છે. તેમણે ચેતવણી આપી છે કે ત્રણ દિવસમાં હિસાબ આપવામાં આવે અને જો જીમખાનાનું ટૂંક સમયમાં નિર્માણ કરવામાં નહીં આવે તો હિંસક વિરોધ કરવામાં આવશે.