મુંબઈઃ ક્રૂડ ઓઈલના ભાવમાં નરમાઈ અને સ્થાનિક ઈક્વિટીમાં સકારાત્મક વલણ વચ્ચે સોમવારે શરૂઆતના વેપારમાં યુએસ ડોલર સામે રૂપિયો 7 પૈસા સુધરીને 82.40 થયો હતો. ઇન્ટરબેંક ફોરેન એક્સચેન્જ માર્કેટમાં ડોલર સામે રૂપિયો 82.45 પર ખૂલ્યો હતો અને પછી તેના પાછલા બંધ કરતાં સાત પૈસાનો વધારો નોંધાવીને 82.40 પર સુધર્યો હતો. શુક્રવારે અમેરિકન ચલણ સામે રૂપિયો 82.47 પર બંધ થયો હતો.
દરમિયાન, ડૉલર ઇન્ડેક્સ, જે છ મુખ્ય કરન્સીની બાસ્કેટ સામે યુએસ ડૉલરની સ્થિતિનું મૂલ્યાંકન કરે છે, તે 0.07 ટકા વધીને 103.62 પર પહોંચ્યો હતો. વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ 1.12 ટકા ઘટીને બેરલ દીઠ $73.95 પર ટ્રેડ થયું હતું. શેરબજારના ડેટા અનુસાર, શુક્રવારે વિદેશી સંસ્થાકીય રોકાણકારો (FII)એ ચોખ્ખા ધોરણે રૂ. 308.97 કરોડના શેરનું વેચાણ કર્યું હતું.