મુંબઈઃ આઇટી શેરોમાં ખરીદી અને વૈશ્વિક બજારોમાં મજબૂત વલણ વચ્ચે મંગળવારે શરૂઆતના વેપારમાં મુખ્ય ઇક્વિટી સૂચકાંકો સેન્સેક્સ અને નિફ્ટીમાં વધારો થયો હતો. આ સમયગાળા દરમિયાન BSE ના 30 શેરો વાળા પ્રમુખ ઈન્ડેક્સ સેન્સેક્સ 118.13 પોઈન્ટ વધીને 66,645.80 ના સ્તર પર પહોંચી ગયા છે. NSE નિફ્ટી 41.8 પોઈન્ટ વધીને 19,795.60 પર હતો. NTPC, ટાટા મોટર્સ, ટેક મહિન્દ્રા, M&M, TCS, JSW સ્ટીલ, ITC, ઇન્ફોસિસ અને ભારતી એરટેલ સેન્સેક્સ પેકમાં નોંધપાત્ર નફો કરનારા હતા.
બીજી તરફ પાવર ગ્રીડ, મારુતિ, બજાજ ફિનસર્વ અને રિલાયન્સ ઈન્ડસ્ટ્રીઝમાં ઘટાડો નોંધાયો હતો. વૈશ્વિક તેલ બેન્ચમાર્ક બ્રેન્ટ ક્રૂડ 0.67 ટકા વધીને 85.56 ડોલર પ્રતિ બેરલ પર હતું. શેરબજારના કામચલાઉ ડેટા અનુસાર, વિદેશી સંસ્થાકીય રોકાણકારો (FII)એ સોમવારે ચોખ્ખા ધોરણે રૂ. 701.17 કરોડના શેરનું વેચાણ કર્યું હતું.