ગુજરાતમાં દારૂની હેરાફેરી કરવા માટે બુટલેગરો ઘણા કીમિયાગરોનો ઉપયોગ કરે છે. બીજી તરફ દારૂ ગુજરાતમાં પ્રવેશતો અટકાવવા સરહદો પર પોલીસ દ્વારા સતર્કતા દાખવવામાં આવી રહી છે ત્યારે અરવલ્લીની શામળાજી બોર્ડર પરથી પોલીસે વિદેશી દારૂ ભરેલું કન્ટેનર પકડી પાડ્યું છે.
ગુજરાત બોર્ડર પર શામળાજી નજીકની સીમમાં રાજસ્થાનથી ગુજરાતમાં વિદેશી દારૂ ભરેલુ કન્ટેનર આવી રહ્યું હોવાની બાતમી શામળાજી પોલીસને મળી હતી. આ જ બાતમીના આધારે શામળાજી પોલીસ વાહન ચેકિંગ કરી રહી હતી. દરમિયાન રાજસ્થાન તરફથી એક કન્ટેનર આવ્યું હતું. કન્ટેનરની તલાશી દરમિયાન 48.53 લાખની કિંમતનો દારૂનો 784 મુદ્દામાલ (24024 બોટલ) જપ્ત કરવામાં આવ્યો હતો અને એક આરોપીની પોલીસે ધરપકડ પણ કરી હતી. ભૂતકાળમાં પણ શામળાજી બોર્ડર પરથી કરોડોનો વિદેશી દારૂ ઝડપાયો છે, કારણ કે હાલની સરહદ દારૂની હેરાફેરી કરનારાઓ માટે અનુકૂળ છે. ત્યારે પોલીસ પણ બોર્ડર પર સતર્ક બની છે.