ગદર 2 ની સફળતાને કારણે સની દેઓલ લાઈમલાઈટમાં રહે છે. આ ફિલ્મે અત્યાર સુધીમાં 513 કરોડ રૂપિયાની કમાણી કરી લીધી છે. ફિલ્મમાં સનીએ તારા સિંહનો રોલ કર્યો છે અને અમીષા પટેલે સકીનાનો રોલ કર્યો છે.
અભિનેતા હોવા ઉપરાંત, સની એક રાજકારણી અને ગુરદાસપુરના વર્તમાન સાંસદ પણ છે. દરમિયાન, અભિનેતા શો આપ કી અદાલતમાં જોવા મળ્યો હતો. આ દરમિયાન, તેમણે 2019 થી લોકસભામાં તેમની ઓછી હાજરીના રેકોર્ડ વિશે વાત કરી.
સનીએ કહ્યું કે, મારી હાજરી ખરેખર ઓછી છે અને હું નથી કહેતો કે તે સારી વાત છે, પરંતુ જ્યારે હું રાજકારણમાં આવ્યો ત્યારે મને સમજાયું કે આ મારી દુનિયા નથી. પરંતુ હું મારા મતવિસ્તાર માટે કામ કરી રહ્યો છું અને કરતો રહીશ.
સની દેઓલે વધુમાં કહ્યું કે, હું સંસદમાં જાઉં કે ન જાઉં તેનાથી કોઈ ફરક પડતો નથી, તેનાથી મારા મતવિસ્તારના કામ પર કોઈ અસર પડતી નથી. તેમણે એમ પણ કહ્યું કે, આ સિવાય, જ્યારે હું સંસદમાં જાઉં છું ત્યારે મને સમસ્યાઓનો સામનો કરવો પડે છે – ત્યાં સુરક્ષા છે અને પછી કોવિડ છે. એક અભિનેતા તરીકે, તમે જ્યાં પણ જાઓ છો, લોકો તમને ઘેરી લે છે.
ગદર 2 ના તારા સિંહે કહ્યું, મારી પાસે મારા મતવિસ્તાર માટે મેં કરેલા કામોની યાદી છે, પરંતુ હું એવા લોકોમાંથી નથી કે જેઓ તેમના કામનો પ્રચાર કરે છે. જ્યાં સુધી રાજકારણનો સંબંધ છે, હા, તે એક એવો વ્યવસાય છે જેમાં હું ફિટ નથી થતો.”
જ્યારે તેમને પૂછવામાં આવ્યું કે શું તેઓ 2024ની ચૂંટણી લડશે તો તેમણે કહ્યું કે તેઓ નહીં લડે. અભિનેતાએ કહ્યું, “હું હવે લડવા માંગતો નથી. મોદીજી એ પણ જાણે છે કે આ છોકરો સની પોતાની ફિલ્મો દ્વારા દેશની સેવા કરી રહ્યો છે, તેથી તેણે આમ કરતા રહેવું જોઈએ.”
તમને જણાવી દઈએ કે સની દેઓલ 2019માં ભારતીય જનતા પાર્ટીમાં જોડાયા હતા. તેમણે ગુરદાસપુરથી કોંગ્રેસના સુનીલ જાખરને હરાવીને લોકસભા ચૂંટણી જીતી હતી.
સની દેઓલની ફિલ્મ ગદર 2 એ રિલીઝ થયા બાદ બોક્સ ઓફિસ પર સુનામી સર્જી હતી. આ ફિલ્મે કમાણીના મામલામાં ઘણી ફિલ્મોને પાછળ છોડી દીધી છે. અત્યાર સુધી આ ફિલ્મે 513 કરોડ રૂપિયાની કમાણી કરી લીધી છે.
ગદર 2 એ સનીની 2001ની બ્લોકબસ્ટર ગદર: એક પ્રેમ કથાની સિક્વલ છે. આ ફિલ્મ સાથે, અભિનેતા વર્ષો પછી મોટા પડદા પર પાછો ફર્યો છે. ફિલ્મને વિવેચકો અને ચાહકો તરફથી સકારાત્મક પ્રતિસાદ મળ્યો હતો.